Posaçërisht për Kupën botërore të skive kryetari i bashkisë së Banskos Georgi Ikonomov do të gatuajë “kapamanë” më të madhe në sheshin e qytetit. “Kapama” quhet një gjellë e shijshme, karakteristike për këtë qyteti. Zoti Ikonomov do të gatuajë më 23 shkurt nën drejtimin e përpiktë të gjysheve të Banskos. Programi shoqërues i ngjarjes së madhe sportive fillon më 22 shkurt me ekspozitë të gjellëve dhe me interpretime folklorike nga krahina e malit Pirin. Prodhuesit dhe pronarët e restoranteve nga qyteti dhe rajoni do të prezantojnë ushqime dhe verëra karakteristike vendase.

Garat e Kupës botërore do të zhvillohen në kuadrin e tri ditëve – nga 22 deri më 24 shkurt. Kjo është Kampionati i gjashtë botëror i skive, i cili zhvillohet në Bënderishka Poljana afër Basnkos. Përveç tyre atje në vitin 2017 dhe 2018 u organizuan radhazi 2 botërore të snowboard-it. Në pistën “Mark Girardelli” do të zhvillohen disiplinat e shpejta – Super G dhe sllallom gjigant, kurse në pistën “Alberto Tomba” do të zhvillohet sllallomi, i cili është pjesë e kombinimit alpin. Pritet se numri i pjesëmarrësve për tri ditët do të arrijë 350 veta, 150 prej të cilëve – skiatorë.