Për bullgarët Danubi gjithmonë ka qenë më tepër emocion, sesa arsye. Në ujërat e lumit kanë lundruar sulmues, revolucionarë, tregtarë dhe emigrantë... Sot ka shumë për t’u rizbuluar në Bullgarinë e Danubit...U nisëm nga Vidini përmes Orjahovos, Svishtovit dhe Ruses e gjer te Tutrakani dhe Silistra. Vizituam vendet e lidhura që prej shekujsh me lumin e madh – Bellogradçik, Çiprovci, Vraca, Lloveç, Pavlikeni, Razgrad. U takuam me bullgarët e Banatit, vllahët, turlakët, kapanët dhe alianët. U lëshuam me kaike deri në Ishujt Ranorë të Danubit, që t’i vëzhgojmë pelikanët dhe shqiponjat shkëmbore. Danubi është për njerëzit e shpirtit të lirë!

“Nga Ballkani deri në Danub. Ide për udhëtime” është një botim me ilustrime të pasura, me shumë fotografi me ngjyra të shoqëruara me fakte kureshtare për çdo një rajon, të cilat përfshijnë pasurinë natyrore dhe shumëllojshmërinë biologjike, hollësitë rreth kultivimit të vreshtave, për ushqimin dhe traditat, si dhe këshilla në cilën stinë është më mirë të vizitohen kuriozitetet natyrore.

Shpeshherë bëhen krahasime mes kurioziteteve në rrjedhën e sipërme dhe në rrjedhën e poshtme të Danubit. Në Danubin e sipërm janë dislokuar shtetet, kryeqytetet e të cilave ndodhen mbi lumë, ndërsa qytetet janë drejtuar nga Danubi. Në dallim të tyre këtu, në Danubin e poshtëm, pothuajse nuk shihen vendbanime të populluara, mbizotëron natyra e egër me ishujt tipikë ranorë dhe plazhet lumore dhe një botë e egër, e cila nuk mund të shihet në qoftë se njeriu është në bregun e lumit. Kjo botë mund të përjetohet vetëm në qoftë se lundroni në lumë – kështu Mihaill Mihov, njëri prej autorëve të librit, e përshkruan udhëtimin e vet drejt temës së madhe të lumit:

Ky është një lumë ndërkombëtar dhe unë si ciceron përpiqem ta jap kontributin tim për popullarizimin e regjionit rreth qytetit tim të lindjes Ruse. Kam bërë përpjekje që ta paraqes aspektin e egër të lumit Danub. Regjioni i Danubit në Bullgari është vendi ku ka më pak punonjës  në sferën e turizmit. Nuk ka edhe shumë entuziastë dhe profesionistë, të cilët të krijojnë dhe të popullarizojnë itineraret e reja në Bullgarinë Veriore. Vendet e mia të dashura në krahinë janë rajoni rreth lumit Rusenski Llom, parku natyror Rusenski Llom dhe vetë lumi Danub. Lundrimi me kaike në ujërat e lumenjve Jantra dhe Danub, vizita në ishujtë e Danubit, vëzhgimi i shpendëve të egër gjithashtu duhet të përjetohen. Në libër ka shumë fotografi nga Bellogradçiku dhe krahinat e qytetit, ndër të cilat është shpella Magura dhe shpella e fundit e përshtatur për turizëm në Bullgari – Veneca. Ajo është jashtëzakonisht e bukur dhe ështëruajtur shumë mirë.

Unë kam banuar në një fshat në qendër të Bullgarisë Veriore, është afër Danubit dhe gjysma e fisit tim është nga rrethi i Svishtovit. Ngulja këmbë për përfshirjen e Bullgarisë së Veriut në libër, sepse që prej disa vitesh bashkëpunojë me sajtin “Bullgaria Veriperëndimore” dhe atje tregojmë për këtë regjion pak të njohur. Çdo një prej nesh – autorët, kishte si detyrë t’i përshkruante vendet, të cilat i njeh dhe i do më shumë. Kështu lindi libri – na tregon gazetarja Vesella Nikollaeva për përmbledhjen “Nga Ballkani deri në Danub. Ide për udhëtime”.

Një prej problemeve të mëdha të Bulgarisë së Danubit është shpopullimi. Atje ai ndihet më shumë dhe po rritet me tempe të shpejta. Shkaqet janë kryesisht ekonomike. Më duket se në qoftë se njerëzit kanë më shumë besim, atëherë me siguri do të ketë më shumë entuziastë dhe do të mbërrijnë banorë të rinj. Ne nuk kemi qëllim t’i kthejmë njerëzit në vendbanimet e tyre, por me shembuj nga historia e Bullgarisë së Danubit dhe e rajoneve të përshkruara, të tregojmë se si kryesisht për shkak të tregtisë në lumë dhe të së kulturës të pasur këto troje kanë tërhequr shumë njerëz nga Bullgaria dhe nga vise të tjera të Evropës dhe ata kanë preferuar të vendosen pikërisht atje.

Përgatiti në shqip: Vesella Mançeva

Foto: ciela.bg, arkiv personal