Ditët e pushimit në pushimoren malore Pamporovo në malin Rodopa do të organizohen dy veprimtari interesante në fushën e sporteve ekstreme. Më 2 mars do të hapet zyrtarisht parku i specializuar dimëror për adhuruesit e fristalit në ski dhe snoubord. Pamporovo Snow Park u krijua mbi pistën e skive numër 1, e njohur si “Muri i Vogël”. Parku disponon impiante speciale për rrëshqitje, kërcim, si dhe piramida prej bore, e cila krijohet për herë të parë tek ne. Më 3 mars me rastin e Festës Kombëtare të Bullgarisë do të organizohet një zbritje me ski në të cilën skiatorët do të jenë të veshur me petka popullore dhe do të valëvitin flamurin kombëtar. Shënimi i festës do të vazhdojë me valle popullore, muzikë patriotike dhe gajde tipike të malit Rodopa.