Konsorciumi italiano-saudit “Arkad” do të ndërtojë lidhjen e gazit me Serbinë, bëri të ditur “Bulgartransgaz”. Deri në këtë vendim u arrit nëpërmjet një prokurimi publik, ku dhanë oferta tri konsorciume. Oferta e “Arkad”-it përfshin çmimet më të ulëta për zbatimin e të gjitha veprimtarive brenda një afati të lejuar të zbatimit në vazhdim të 250 ditëve kalendarike dhe për përfundimin e tij të tërësishëm prej 615 ditësh kalendarike. Zbatuesi do ta realizojë furnizimin e materialeve dhe pajisjes së domosdoshme, projektimin e investimit deri në fazën e projektit të punës, ndërtimin dhe vënien në shfrytëzim të zgjerimit të tubacionit të ri, i cili do të jetë paralel me gazsjellësin verior deri në kufirin bullgaro-serb, thuhet në njoftimin e operatorit bullgar të gazit.