A është kureshtare për ju të provoni nga ushqimi i kozmonautëve? Ose ëndërroni të jeni konstruktor i avionëve? Ose mbase do të donit të paktën për 1 ditë të jeni mekanik në aviacion? Që të mund t’i realizoni këto ëndrra thjesht duhet të shkoni në ditën e saktë dhe në vendin e duhur! Dita është 12 prill - Dita Botërore e Aviacionit dhe e kozmonautikës, vendi - Muzeu i Aviacionit në qytetin Burgas.
Në muze janë përgatitur me një zell të madh për këtë ngjarje, me hyrje të lirë. Në menynë e atyre të cilët duan të provojnë “ushqimin kozmik” do të ketë jo vetëm nga gjellët tradicionale të kozmonautëve, si mish me patate, por dhe tarator, bozë dhe ushqime të tjera tradicionale bullgare në formën e pluhurit dhe pastës, tregon Stanisllav Ivanov , drejtues i Muzeut të Aviacionit në qytetin Burgas. Do të ketë dhe punishte për aparate fluturimi:
“Adhuruesit e aviomodelizmit do të kenë mundësinë, bashkë me anëtarët e klubit ajror në qytetin Burgas, të punojnë modele aeroplanësh. Do të ketë po kështu ekspozitë të makinave fluturuese dhe demonstrim të modeleve të fluturimit, të drejtuara përmes kordës”- prezanton programin për ditën e posaçme Stanisllav.
Muzeu akoma është shumë i ri, por entuziazmi i njerëzve të cilët qëndrojnë pas tij, i jep një shtytje të madhe të ecë përpara. Është krijuar gjatë vitit 2017 me iniciativë të qytetarëve më të zgjuar të qytetit Burgas, veteranë nga aeroporti “Burgas”, të Bashkisë së qytetit Burgas dhe të “Fraport Tuin Star” - koncesioner i aeroportit të qytetit Burgas. Hap dyer më 29 qershor - në ditën e 70 vjetorit nga fluturimi i parë i Aviacionit Civil Bullgar, i realizuar midis Sofjes dhe Burgasit. Sot ekspozita e muzeut numëron 9 eksponate.
Në Bullgari vetëm këtu mund të shikohet avioni An-12.
Do të shikoni po kështu aeroplanin e prodhuar gjatë vitit 1970 me një motor An-2, i njohur me nofkën “baba/gjyshe/ Ana”, avionin e përshtatur për mësime dhe stërvitje L-29, gjuajtësin MiG-17 F Fresco, aeroplanin kryesor të Aviacionit Bullgar Tu-154 e të tjerë.
Sipas fjalëve të Stanisllavit: “Tu-154 si më i madhi është shumë interesant. Ai ka 3 motorë, të vendosur në pjesën e prapme. Është i lartë rreth 11 metra dhe është jashtëzakonisht i bukur me stabilizatorin e vet vertikal. Krahët e kanë formën e një shigjete, në ngjashmëri me avionët luftarakë MiG-21. Ata po kështu janë elastikë, gjë e cila i jep një komfort të jashtëzakonshëm gjatë kohës së fluturimit.”
Por, Muzeu i Aviacionit në qytetin Burgas u propozon vizitorëve të vet jo thjesht të shikojnë një ekspozitë interesante. Ai u ofron një mundësi reale adhuruesve të aviacionit të marrin pjesë aktive në rivendosjen e relikteve të aviacionit përmes dhurimeve si dhe të marrin pjesë si mekanikë. Jo rastësisht në sajtin e tij do të lexoni: “Të jesh pilot: Të jesh mekanik. Të jesh studiues i botëve të reja”. Çfarë fshihet pas këtyre fjalëve? Stanisllavi sqaron:
“Ne i hapëm dyert gjatë vitit 2017 me ekspozitën “Homo Volans” të përpunuar nga Venelin Shurellov në avionin An-12. Ajo “nxit frymëmarrjen” e teknikës së aviacionit përmes instalimeve të ndryshme interaktive. Vizituesit mund të ulen dhe në vendin e pilotit, që të mund të ndiejnë efektin e motorit punues të aeroplanit, të prekin kutinë e zezë. Është shumë interesante të përmendim po kështu se gjatë vitit 2018 filluam remonte për rivendosjen e Tu-154. Me iniciativën tonë formuam dhe një klub të avionëve, i cili të mbledhë njerëzit me interes ndaj aviacionit dhe me dëshirë të ndihmojnë për remontin e këtyre avionëve, me qenë se ata janë të vjetër dhe në një gjendje jashtëzakonisht të keqe. Ideja është që me punën vullnetare bashkë t’i rinovojmë. “
Tingëllon mjaft emocionuese, apo jo?
Përgatiti në shqip: Nataniela Vasileva
Foto: avioburgas.bg
A mund ta njihni Bullgarinë nga pamja e shpendëve, pa ndihmën e një droni apo avioni? Përgjigja është po, për këtë janë platformat panoramike. Ato janë ndërtuar lart në qiell dhe zbulojnë pamje mahnitëse të grykave, majave të mbuluara me..
Edicioni i dhjetë i Festivalit Kombëtar të Lavandës zhvillohet më 14 dhe 15 qershor në fshatin Çirpan të Sredno Gradishtes. Janë disa nga plantacionet më të vjetra të livandës në vend, të cilat kanë ekzistuar për më shumë se 80 vjet. Koncepti i festës..
Në Ditën e Dyerve të Hapura - 15 Qershor, për herë të parë vizitorët e Muzeut të Mozaikëve në Devnja do të prezantohen me gjetjet e restauruara të zbuluara në vitin 2023. Bëhet fjalë për enë balte dhe llamba, të bëra në stilin e mjeshtrave nga..