Papunësia në Bullgari gjatë muajit mars është ulur deri në 4,6%. Ky është niveli më i ulët që nga viti 2000, kur Eurostat filloi të publikonte të dhëna për vendin tonë. Gjatë shkurtit të këtij viti papunësia ka qenë 4.7 %. Një vit më herët pa kontratë pune në Bullgari ka qenë 5,3% e popullsisë së aftë për punë në vend. Papunësia në BE gjithashtu po ulet dhe gjatë muajit mars ajo ka qenë 6,4%, ndërsa në eurozonë ka arritur deri në 7,7%. Nivelet rekorde të papunësisë në mbarë BE-në tregojnë se ka pak të ngjarë që të ketë recesion ekonomik. Të paktën teorikisht, papunësia e ulët në Bullgari duhet të përkrahë shpenzimet e konsumatorëve dhe respektivisht ekonominë, e cila gjatë vitit 2018 vuante nga eksporti i dobët.