Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ushtria është një nga shtyllat e shtetit

Foto: BGNES

“Ushtria është krejtësisht e domosdoshme. Kjo është një nga shtyllat e shtetit. Në qoftë se nuk ka ushtri dhe mbrojtje, shteti nuk ka sesi të ekzistojë”, deklaroi përpara Radios Kombëtare Bullgare shefi i mbrojtjes gjenerali Andrej Bocev. Intervista qe në lidhje me 15 vjetorin e anëtarësisë së Bullgarisë në NATO dhe në prag të Festës së Trimërisë – 6 maj.

Për 15 vjet në NATO rreth 14 500 ushtarakë kanë marrë pjesë në misione jashtë kufirit”, rikujton gjenerali Bocev. Ky është fitim i përvojës, i aftësisë dhe punës në ekip, tha ai, por pohoi se për këtë periudhë rekomandimi i vetëm, i cili është kryer nga ushtria jonë /të jetë e vogël, moderne dhe mobile/, është që ajo të jetë e vogël. Që të mund të bëhet ushtria bullgare moderne, gjenerali Bocev mbështetet tek projektet për modernizim me vlerë rreth 4 miliardë leva, të cilat duhet të realizohen gjatë 10 vjetëve në vijim.

Kemi 3 projekte të mëdha për tri llojet e forcave të armatosura. Ka dhe projekte mjaft më të vogla, të cilat nuk kërkojnë resurs dhe kaq të madh. Që të gjitha ato janë të drejtuara ndaj forcave ekzistuese, theksoi gjenerali Bocev dhe nënvizoi se, projekti për Forcat Tokësore ka dalë shumë më i ndërlikuar nga e pritura, për shkak të mungesës së metodologjisë dhe të specialistëve në ministritë e mbrojtjes dhe të ekonomisë. Shefi i mbrojtjes shprehu shpresën se deri më 4 vjet ushtari bullgar do të jetë i pajisur, ashtu siç janë të pajisur dhe nëpunësit e tjerë ushtarakë nga NATO-ja, “që të mund të ketë vetëdije dhe të ndihet i barabartë.

Gjenerali Bocev rikujtoi se në periudhën 2018-2019 janë shtuar rrogat e ushtarakëve me nga 10%. Është shtuar dhe pranimi në Universitetin Ushtarak Kombëtar. Ushtria mbështetet tek fushata e filluar përpara disa muajve  “Të jesh ushtar”, që të provokojë interesin ndaj profesionit të ushtarakut.

“Gjatë vitit 2018 për herë të parë numri i atyre të cilët ikin nga ushtria është më i vogël nga numri i atyre të cilët vijnë në ushtri, me rreth 150 veta. Me fushatën “Të jesh ushtar” duam që t'i motivojmë njerëzit të kandidojnë për nëpunës ushtarakë, sepse profesioni i ushtarit është i sigurt dhe jep shans për zhvillim profesional, mjafton që të kesh dëshirë. Në Ushtritë Tokësore shpallëm konkurs për 185 vende, kurse dokumente kanë parashtruar mbi 470 kandidatë”.

E gjithë Evropa por dhe Shtetet e Bashkuara kanë problem me ushtarët profesionalistë, konstaton gjenerali Andrej Bocev. Por, ai mendon se me ndryshimet ligjore është bërë mjaft për përshpejtimin e procedurave  për grumbullimin e ushtarakëve. Sipas tij problemi është në faktin se ushtarët kërkohen në sfondin e plakjes së rezervës së mobilizimit. Kjo ndodh sepse që nga viti 2007 Bullgaria nuk ka shërbim rekrutimi, përmes të cilit të plotësohet kjo rezervë.

Shumë vështirë mund të bindim shoqërinë të kthehet shërbimi i detyrueshëm i rekrutimit. Për vitet e fundit, politikanët tanë e kuptuan se neve na duhet një ushtri e vogël por e fortë dhe shumë mirë e kompletuar si dhe shumë mirë e armatosur, sipas standardeve dhe teknologjive më të reja në NATO. Po kështu  kemi nevojë dhe për një staf të shkolluar, i cili të mund të përdorë aparaturën moderne.”

Përpiloi: Elena Karkallanova

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

"Trabant Fest" në Tetevenin Ballkanik

Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”. Dashamirët e kësaj marke po mblidhen më 6 korrik (e shtunë) në zonën "Kostina", ku do të parakalojnë..

botuar më 24-07-06 8.05.PD

Zotërimi i gjuhës së shenjave mund të jetë interesant, i këndshëm dhe shumë i dobishëm

Në Bullgari, sipas të dhënave jozyrtare janë 120 mijë persona me probleme në të dëgjuarin. Shumë prej tyre nuk duan të mësojnë gjuhën e shenjave, edhe pse kjo është e dobishme për ta. Në shkolla nuk ka përkthim për fëmijët me probleme në të..

botuar më 24-07-05 2.10.MD
Fshati Pustec në rrethin e Prespës së Vogël

Rezultatet e regjistrimit zyrtar janë një sukses i madh për komunitetin bullgar në Shqipëri

Bullgarët janë minoriteti i tretë më i madh në Shqipëri - sipas të dhënave të fundit të regjistrimit të popullsisë në këtë vend ballkanik. Këto janë të dhënat e para zyrtare statistikore për numrin e bullgarëve atje, pasi minoriteti ynë u njoh..

botuar më 24-07-04 2.20.MD