Pas pritjes zyrtare të Papës Françesku me nderime shtetërore para Presidencës së Republikës në Sofje, mysafiri zhvilloi takime sy me sy me Presidentin Rumen Radev. Në një përshëndetje pas takimit Presidenti na siguroi se si një popull i një prej shteteve më të vjetra të krishtera, i cili e ka pranuar fenë e krishterë para 12 shekujsh, bullgarët e mirëpresin Papën me ndjenja shumë të ngrohta. Kreu i Kishës Rimokatolike theksoi se Bullgaria është urë midis Lindjes dhe Perëndimit dhe gjithmonë e ka përkrahur takimin mes kulturave, qytetërimeve, feve dhe grupeve të ndryshme etnike. Në fund ai i uroi Bullgarisë, një vend i rrethuar nga lumi i madh Danub dhe nga brigjet e Detit të Zi, një rajon, i cili është shndërruar në vend pjellor në saje të punës modeste të shumë brezave, një vend i hapur për këmbim kulturor dhe tregtar, i integruar në BE dhe me lidhje solide me Rusinë dhe Turqinë, të arrijë t’u sigurojë fëmijëve të saj një të ardhme të shpresës.