Në lidhje me zgjedhjet e ardhshme për parlament evropian presidenti Rumen Radev u takua me përfaqësues të Komisionit Qendror të Zgjedhjeve. Kreu i shtetit diskutoi domosdoshmërinë për uljen e numrit të fletëvotimeve të pavlefshme, garantimin e sigurisë së votimit me makina dhe të të dhënave personale të bullgarëve.

Në mënyrë që të kemi zgjedhje të ndershme, Radevi bëri thirrje për zvogëlimin e numrit të fletëvotimeve të pavlefshme, sepse ato mund t’i ndikojnë fortë dhe t’i ndryshojnë rezultatet reale. Presidenti kërkoi dhe garanci për mbrojtjen e të drejtave të bullgarëve jashtë shtetit, për krijimin e një ambienti të mirë për punën e vëzhguesve dhe për kontroll të të gjitha nivelet dhe të gjitha etapat e numërimit të fletëvotimeve, kështu edhe për hartimin e procesverbaleve me rezultatet në qendrat e votimit.