Kryeprokurori Sotir Cacarov kërkoi nga Kryetari i Agjencisë Shtetërore të Sigurisë Kombëtare tërë informacionin në agjenci (përfshi dhe atë nga hetimi financiar) sa u përket llogarive bankare, përfshirjes në kompani off-shore, pasurive të patundshme jashtë dhe investimeve të tjera, të cilat janë të padeklaruara sipas rendit përkatës dhe janë të personave me poste të larta publike. Një informacion i tillë kërkohet edhe për pronësitë e personave, si personalisht, ashtu dhe nëpërmjet personave që kanë ndonjë lidhje me ta.