Në ofertën për zgjedhjen e investitorit strategjik për Centralin Elektrik Atomik Berene, të botuar në Gazetën Zyrtare të Bashkimit Evropian, shteti bullgar vë disa kushte të detyrueshme. Në vend të parë – se Kompania Energjetike Kombëtare, e cila merr pjesë në shoqëri me kontribut jomonetar me ofrimin e sheshit të ndërtuar për centralin e ri dhe të reaktorëve, do të ketë të drejtën e bllokimit të procedurave gjatë ndërtimit dhe pastaj gjatë eksploatimit të centralit. Në ofertë është shkruar se nuk do të ketë kontrata paraprake detyruese për blerjen e korrentit nga ana e shtetit apo mekanizma të tjerë jo tregtarë për garantimin e investimeve. Kushti tjetër është se afati maksimal për ndërtimin e centralit do të jetë 10 vjet, kurse çmimi maksimal – 10 mlrd. euro. Kërkohen dhe mundësi për pjesëmarrjen e firmave vendase si nënkontraktorë në zbatimin e projektit.