Maratonisti bullgar Krasimir Georgiev përfundoi me sukses vrapimin e vet në vazhdim të 1200 kilometrave nga Deti i Zi deri në Detin Adriatik. Bullgari startoi më 8 maj, duke kaluar radhazi përmes qyteteve bullgare Burgas, Plovdiv, Sofje, qyteteve maqedonase Shkup, Manastir, Ohër dhe qyteteve shqiptare Elbasan, Tiranë dhe Durrës në itinerarin e korridorit panevropian të transportit Nr. 8, duke mbaruar para orës 17.00, orë bullgare. Sfida Corridor8 u zhvillua me moton “ndërlidhje” dhe ka qëllim jo vetëm të bashkojë njerëzit aktivë nga Bullgaria, Maqedonia e Veriut dhe Shqipëria, por të inkurajojë gjithashtu zhvillimin e lidhjeve infrastrukturore, sportin, turizmin dhe biznesin mes tri vendeve tona.