Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Drejtoresha e përgjithshme e UNESKO-së prezantoi sfidat para organizatës në një ligjëratë në Sofje

Foto: BGNES

Drejtoresha e përgjithshme e UNESKO-së Audrey Azoulay vizitoi vendin tonë me ftesë të Presidentit Rumen Radev. Ndër temat e prekura në bisedimet e tyre është ajo për bashkëpunimin ndërmjet Bullgarisë dhe UNESKO-së, siç edhe për prioritetet e vendit tonë si anëtar i Këshillit Ekzekutiv të organizatës.

“Bullgaria është një shtet, i cili ka kontribuuar për zhvillimin e qytetërimit evropian dhe punon për ndërtimin e një bote më paqësore në bazë të bashkëpunimit dhe kapërcimit të dallimeve etnike fetare dhe kombëtare”, deklaroi Presidenti. Pas takimit të saj me kreun e shtetit Audrey Azoulay nënvizoi se organizata do të përkrahë themelimin e një instituti ndërkombëtar tek ne për zhvillimin e teknologjive të qëndrueshme, i cili do të përqendrohet mbi studimet mjekësore. Kujtojmë se kjo ide ishte lancuar nga Rumen Radev akoma gjatë vitit 2017 në takimi e tij me Azoulay në Paris.

Në kuadrin e vizitës së vet në Sofje Drejtoresha e Përgjithshme e UNESKO-së u takua me Kryeministrin Bojko Borisov dhe me Kryetarin e Komisionit për Kulturën dhe Mediat në Kuvendinn Popullor Vezhdi Rashidov, i cili kërkoi nga zonja Azoulay mbështetje për përfshirjen e Kishës së Hekurt të Stambollit në listën e trashëgimisë botërore të organizatës (ajo është e njohur edhe si Kisha Bullgare e Stambollit). Rashidovi shpjegoi se tashmë janë mbajtur bisedime me Turqinë për këtë që kisha të jetë një kandidaturë e përbashkët e të dyja shteteve. Drejtoresha e përgjithshme e UNESKO-së Audrey Azoulay vizitoi Universitetin e Sofjes “Shën Klement i Ohrit”, ku mbajti një ligjëratë publike me temë “UNESKO-ja dhe sfidat e shekullit të 21”. Në të zonja Azoulay foli për vështirësitë para të cilave po ndodhemi sot dhe për këtë se këto vështirësi mund të kapërcehen vetëm me ndihmën e arsimit, kulturës, shkencës dhe bashkëpunimit ndërkombëtar. Një nga problemet e mëdha është ai në fushën e ekologjisë – kërcënimi i madh ekologjik i lidhur me ngrohjen e planetit dhe humbjen e biodiversitetit botëror. Sa u përket teknologjive, problemi më i madh i lidhur me to është sesi digjitalizimi dhe intelekti artificial ndryshojnë mënyrën, në të cilën mësojmë dhe komunikojmë, sesi i ndikojnë marrëdhëniet sociale. Ekstremizmi është një sfidë tjetër para njerëzve bashkëkohorë, kurse problemi i katërt është barazia gjinore. Këto janë tema, të cilat prekin tërë botën dhe nuk mund të zgjidhen vetëm nga një shtet, shtoi Audrey Azoulay, duke shpjeguar se vendet duhet të punojnë në bashkërendim të plotë në nivel rajonal.

Në ligjëratën e saj në Universitetin e Sofjes ajo theksoi rëndësinë e ruajtjes së trashëgimisë kulturore dhe të diversitetit botëror – gjë, e cila është lidhur me identitetin e kombeve. Sipas fjalëve të saj njohja e trashëgimisë kulturore zgjon interes për kulturën e të tjerëve. Ajo tha se kultura dhe trashëgimia mund të jenë faktor për zhvillimin ekonomik dhe për arritjen e paqes në pikat e konflikteve.

Në fundin e ligjëratës së vet Audrey Azoulay falënderoi Bullgarinë për angazhimin e saj ndaj UNESKO-së në fushën e kulturës.

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Georgi dhe Maria janë emrat më të zakonshëm në Bullgari në vitin 2024

Emrat më të zakonshëm në Bullgari në vitin 2024 ishin Georgi (140 818) dhe Maria (100 651). Ata pasohen nga Ivani dhe Ivanka, dhe më pas Dimitër dhe Elena, sipas të dhënave të Institutit Kombëtar të Statistikave. Ndër të sapolindurit vitin e kaluar 2024,..

botuar më 25-01-03 1.51.MD
Foto: Shoqata e Ekipeve të Shkencave Olimpike

91 medalje në shkencat natyrore fituan nxënësit në vitin 2024

Në vitin 2024 nxënësit bullgarë fituan 91 medalje nga olimpiada ndërkombëtare, evropiane, rinore dhe ballkanike dhe garat e shkencave natyrore. 11 prej tyre janë ari, 40 - argjendi dhe 40 - bronzi. Këtë e njoftuan nga Shoqata e Ekipeve Olimpike në..

botuar më 25-01-03 6.55.PD

Çmimet e reja për dokumentet bullgare hyjnë në fuqi nga 1 janari

Sipas ndryshimeve në tarifën nr.4, lëshimi i kartës së identitetit nga sot, 1 janari, do të kushtojë 30 leva (rreth 15 euro) në vend të 18 levave të mëparshme për një porosi të thjeshtë. Shërbimi i shpejtë rritet në 60 leva (30 euro) dhe shërbimi ekspres..

botuar më 25-01-01 4.59.MD