Bullgaria ka kërkuar që në fund të korrikut të zhvillohet një takim me Presidencën e porsazgjedhur të Parlamentit Evropian dhe Komisioni i Transportit ngul këmbë për rishqyrtimin e “Pakos Mobilitet 1”, tha Ministri i Transportit Rosen Zheljazkov. Kemi një konsensus të plotë në pozitën kombëtare mes qeverisë, eurodeputetëve dhe transportuesve për optimizimin e dosjeve të lidhura me “Pakon Mobilitet 1”, shënoi Ministri. Sipas Zheljazkovit ka nevojë për këtë, sepse aktualisht ka mungesë sigurimi institucional sa i përket zgjedhjes së Kryetarit të Komisionit Evropian, të Kryetarit të Parlamentit Evropian, të shefit të Komisionit të Transportit, si dhe të raportuesve mbi dy prej dosjeve kryesore në Komisionin e Transportit. Dy prej raportuesve të deritanishëm tashmë nuk janë eurodeputetë.