Për Bullgarinë partneriteti me Zyrën Evropiane kundër Mashtrimit (OLAF) është me rëndësi të madhe, deklaroi kryeministri Bojko Borisov në takim me drejtorin e përgjithshëm të OLAF-it Ville Itälä. Kjo është vizita e parë zyrtare pune e Itälä-s në Bullgari. Miku tha se, është i mahnitur nga arritjet e vendit tonë në luftën kundër kontrabandës dhe shprehu shpresën, se bashkëpunimi i shkëlqyer midis autoriteteve bullgare dhe Zyrës Evropiane kundër Mashtrimit do të vazhdojë. Kryeministri sqaroi se, Bullgaria i kryen plotësisht detyrimet e veta për raportim të parregullsive të gjetura në punën e institucioneve bullgare me fondet dhe programet evropiane. Është krijuar një bazë ligjore, e cila tregon se i kushtohet vëmendje çdo informacioni, që është shkak për dyshime për shpërdorime, shtoi Borisovi.