Në kalanë “Carevec” në qytetin Veliko Tërnovo (Bullgari Qendrore) fillon edicioni i 5 i festivalit ndërkombëtar “Veliko Tërnovoja Mesjetare” (nga 29 qershori deri më 01 korrik).

Sivjet forumi lidhet me 800 vjetorin e sundimit (1218-1241) të mbretit të madh bullgar Ivan-Asen të Dytë. Atëherë qyteti arrin deri në një lulëzim të vërtetë, kurse Bullgaria renditet mes perandorive të mëdha në Evropë.

Në fillim është parashikuar një koncert dhe program zbavitës me zjarr “Yjet mbi qytetin mesjetar Tërnovo” në Pallatin mbretëror në Carevec. Në shfaqjet, të cilat do të tregojnë ngjarje historike gjatë ditëve të pushimit do të marrin pjesë mbi 140 veta nga Bullgaria, Italia, Rumania, Serbia dhe Ukraina.

Sivjet në fokusin e forumit janë shija dhe kuzhina e shekujve të mesëm. Pjesëmarrësit do të përgatisin në vend gjellë nga epoka e Mbretërisë së Dytë Bullgare, nga Bizanti, Anglia, Rusia, Regjioni Skandinav dhe Mesdheu. Për vizituesit  do të ketë degustime të pijeve të ëmbla me mjaltë, birrë, ushqime karakteristike për manastiret dhe për ushtrinë bullgare të periudhës së shekujve 12-14.

Për herë të parë do të demonstrohet arti luftarak i bujarëve – fisnikët bullgarë dhe kapitenët luftarakë gjatë shekujve të Mesëm.