Radioja Kombëtare Bullgare © 2021 Të gjitha të drejtat janë të rezervuara

Seminari i gjuhës dhe i kulturës bullgare mblodhi në qytetin Tërnovo pjesëmarrës nga katër kontinentet

Në kryeqytetin e lashtë bullgar Veliko Tërnovo u mblodhën përfaqësues nga 4 kontinentet, të bashkuar nga dëshira të mësojnë gjuhën bullgare, traditat, historinë dhe të tanishmen tonë. Klasat mbahen brenda Seminarit të 42-të Ndërkombëtar në gjuhën dhe letërsinë bullgare, organizuar nga Universiteti i Veliko Tërnovos “Shenjtorët Kirill dhe Metodij”, Ministria e Arsimit dhe Bashkia Veliko Tërnovo. Forumi u hap më 15 korrik dhe do të zgjasë deri më 4 gusht.

Atmosfera është shumë e këndshme, edhe koha u rregullua! Seminaristët ndihen shumë mirë. Shikoj pjesëmarrës të rinj e jo dhe kaq të rinj por me një frymë rinore, të buzëqeshur dhe të entuziazmuar”, ndau përshtypjet e tij nga ditët e para të seminarit drejtori i tij profesori Hristo Bonxhollov dhe shtoi:

Sivjet u regjistruan 110 pjesëmarrës. Aktualisht grupi është prej 100 vetave prej 36 shteteve. Akoma pjesëmarrës të tjerë presim gjatë javës së dytë. Tradicionalisht më shumë janë seminaristët nga Gjermania, Rusia, Polonia, Serbia. Sivjet ka dhe shumë pjesëmarrës nga Kina. Për herë të parë janë prezantuar dhe Azerbajxhani dhe Vietnami.”

Mes seminaristëve ka dhe studentë nga gjuhët sllave, pensionistë, muzikantë, mësues, avokatë, përkthyes dhe bile një specialist në fushën e energjetikës bërthamore, i cili ka mbërritur nga Britania e Madhe. Disa prej tyre janë me prejardhje bullgare, kurse të tjerë nga martesa të përziera, të tretë duan të njohin një kulturë tjetër dhe të ndryshme nga kultura e tyre. Dhe me qenë se spektri i pjesëmarrësve është jashtëzakonisht i gjerë, për mësimet në gjuhën bullgare ata ndahen në grupe sipas nivelit të tyre, sqaron profesori Bonxhollov:

“Fillojmë nga A0, po të mund të themi kështu, dhe përfundojmë deri më C2. Kjo do të thotë që nga njerëzit të cilët nuk e dinë alfabetin dhe vijnë nga shtete, në të cilat alfabeti cirilik është i panjohur, deri tek përkthyes nga vende në Bashkimin Evropian. Me fjalë të tjera arsimi gjuhësor ndjek kornizën evropiane A1,A2, B1..., por ka dhe njerëz, të cilët me të vërtetë nuk kanë asnjë ide se cili është alfabeti cirilik”.

Organizatorët sipas traditës kanë bërë përpjepje për komfortin e plotë të seminaristëve me një program jashtëzakonisht të ngjeshur, i cili u lejon të zhyten në të kaluarën dhe në ditët e sotme të Bullgarisë. Përveç mësimeve në gjuhë i presin dhe seminare të specializuara:

U propozojmë lëndë më tradicionale - histori, kulturë dhe art të Bullgarisë. Ato krahas folklorit bullgar dhe etnografisë marrin pjesë përherë në programin tonë. Në seminar detyrimisht figurojnë gjuha moderne bullgare, letërsia bullgare, kinemaja moderne bullgare. Sivjet kemi shtuar lëndën “Turizëm, shumëgjuhësi dhe përkthim” me një nga pedagoget tona me përvojë më të madhe - prof. dr. Ljudmilla Ivanova. Kështu që, mundohemi të ruajmë një nivel tradicional, por dhe të mund të ketë dhe një larmi”.

Janë parashikuar mbrëmje tematike - të letërsisë bullgare, të zanateve, të kuzhinës bullgare. Përveç kryeqytetit të lashtë Veliko Tërnovo, pjesëmarrësit do të shikojnë dhe perlat e arkitekturës sonë rilindëse, si qytetet Zheravna dhe Arbanasi.

Për ata të cilët do të donin të përfshihen në edicionet e tjera të seminarit, profesori Hristo Bonxhollov sqaron:

Tri janë programet në të cilat mund të marrin pjesë seminaristët. Njëri është përmes Ministrisë së Arsimit. Bëhet fjalë për marrëveshje me vende me të cilat zhvillohet një këmbim ndërshtetëror i atyre të cilët mësojnë gjuhën bullgare dhe i studentëve tanë, të cilët mësojnë gjuhën e shteteve të tjera. Për këtë kategori Universiteti i Veliko Tërnovës dhe Universiteti i Sofjes marrin porosi shtetërore. Kategoria e dytë janë miq të universitetit sipas marrëveshjeve ndërkombëtare. Kategoria e tretë janë njerëz të cilët vet e financojnë mësimin e gjuhës bullgare në seminarin ndërkombëtar veror. Informacioni i domosdoshëm është i pranishëm në sajtin e universitetit. Aty ka dhe formularë, të cilët mund t'i plotësojnë ata të cilët dëshirojnë të përfshihen në programet të cilat janë dy javore dhe tre javore. Taksa i mbulon të gjitha-ekskursionet, programin kulturor dhe katër ditët e fundit me të cilat e përfundojmë seminarin, duke shkuar në det, në vendpushimin detar Allbena”.

Përgatiti në shqip: Nataniela Vasileva

Foto: arkiv personal

Më shumë nga rubrika

Piktura animaliste shkëlqyen në panelet elektrike në Sofje

Imagjinoj një ambient urban të përmbushur me art, i cili sjell një gjendje shpirtërore pozitive, thotë piktorja Anelija Aleksandrova-AJA. Ajo ka mbrojtur një doktoraturë në historinë e artit dhe në artet e pikturimit në degën “Afreske” dhe..

botuar më 21-04-10 7.10.PD
Maria Bakallova

Bullgarja Maria Bakallova nuk arriti të fitojë Çmimin e Aktorëve në ShBA

Bullgarja Maria Bakallova nuk arriti të fitojë Çmimin e Aktorëvenë ShBA për aktoren më të mirë dytësore për rolin e saj në filmin “Borat 2”. Çmimin e mori artistja jugkoreane Yun Yu-jun për mishërimin e saj në filmin “Minari”. Çmimet..

botuar më 21-04-05 2.16.MD

Indonezia po viziton Sofjen

Një fotoekspozitë nga arkipelagu më i madh i tokës i gëzon kryeqytetasit, derisa shëtisin në kopshtin “Kristal” në qendër të qytetit. Nën moton  “Çudirat e Indonezisë” fotografitë ekzotike na shpien në gjerësi të tjera më diellore e të ngrohta..

botuar më 21-04-03 1.30.MD