Një ekip i Komisionit Evropian po ndodhet në Bullgari për të vlerësuar dëmet e shkaktuara nga murtaja afrikane e derrave dhe veprimet dhe masat e ndërmarra nga Sofja për përballimin e krizës . Komisioneri evropian për sigurinë e ushqimeve Vytenis Andriukaitis u bëri thirrje organeve bullgare të kontrollit që të hyjnë në secilën shtëpi dhe të shpjegojnë se çfarë duhet të bëjnë bujqit kundër përhapjes së sëmundjes së rëndë. Nuk ka kohë dhe në se kjo nuk bëhet, Bullgaria do të përballet me rrezikun e madh për humbjen e të gjitha derrave të saj, paralajmëroi Andriukaitis.