Agjencia Kombëtare e të Ardhurave po kontrollon të gjitha 80 mln regjistrimet me informatë për qytetarët, e cila u përhap pas një sulmi hakerësh kundër Agjencisë. Zëdhënësi i institucionit Rosen Bëçvarov sqaroi se tani për tani autoritetet tatimore mund t’i përgjigjen vetëm pyetjes nëse ka të dhëna të rrjedhura për një person konkret apo jo, por jo se çfarë janë ato. Deri tani afro 1 mln veta kanë përfituar nga mundësia për të kontrolluar nëse të dhënat e tyre kanë rrjedhur. 75 për qind prej tyre kanë marrë përgjigje “po”. Të dhënat e publikuara zakonisht përfshijnë numrin personal, adresën, numrin e telefonit dhe informacion të pjesshëm fiskal.