Sot, më 1 gusht fillojnë kreshmët, të cila paraprijnë kremten e madhe të krishterë të Fjetjes së Hyjlindëses, të cilën e festojmë më 15 gusht. Gjatë kësaj periudhe feja u ndalon besimtarëve të hanë mish e bulmet me qëllim lartësim shpirtëror dhe pendim për veprat e këqija. Ato janë lidhur me shpresën dhe dashurinë e të krishterëve ortodoksë ndaj Nënës së Shenjtë dhe kanë karakter të rreptë, si Kreshmët e Mëdha. Vetëm në festën e Shndërrimit të Zotit (6 gusht) është lejuar konsumi i peshkut.