Zjarri i madh në Bullgarinë Jugore u përhap edhe në trojet e fshatrave Brjagovo, Ljubenovo dhe Rodopi. 800 hektarë janë djegur, gjysma prej të cilëve janë pyje. Mbi 90 zjarrfikës, pylltarë, ushtarakë dhe vullnetarë marrin pjesë në shuarjen e zjarrit. Është thirrur edhe teknikë e rëndë për të bërë shtigje në pyll. Era e ndryshueshme krijon probleme, sepse e rindez zjarrin. Po vazhdon shuarja e zjarrit edhe në depon për mbeturina afër fshatit Shishmanci pranë Plovdivit. Atje zjarri është lokalizuar, por aktualisht era e përhap tymin edhe mbi autostradën “Trakia”. Shoferët duhet të jenë të kujdesshëm. Në rajon ka ekipe të ngutshme, të cilat t’u sigurojnë ndihmë udhëtarëve në rast nevoje.