Maqedonia e Veriut është marrësja më e madhe e ndihmës për zhvillim nga Bullgaria. Gjatë vitit 2019 Bullgaria i ka dhënë shtetit fqinjë mbi 500 000 euro, tha ministrja e punëve të jashtme Ekaterina Zaharieva. Ajo inauguroi në Strumica një qendër të re sociale, të financuar nga Sofja me 138 000 euro. Bullgaria po ndërton po kështu qendër për diagnostikim të hershëm të autizmit në Ohër, rindërton ura, shkollë dhe objekte sportive. Si shumë të rëndësishëm Zaharieva vuri në dukje dhe projektin për bashkëpunim të medieve midis të dyja vendeve fqinje kundër gjuhës së urrejtjes. Deri në muajin tetor Shkupi duhet të tregojë rezultate të lidhura me aferën e korrupsionit “Reket”, e cila tronditi shoqërinë maqedonase, që të mund të marrë ftesë për bisedime me Bashkimin Evropian, rekomandoi Zaharieva.