Masa të rritura të sigurisë ka në aeroportet e Sofjes, Plovdivit, Varnës dhe të Burgasit pas kërcënimeve të djeshme për bomba. Ato ua dërguan aeroporteve dhe disa mediave me anë të postës elektronike. Në Aeroportin e Sofjes nuk kishte nevojë për evakuimin e pasagjerëve dhe nuk u ndërprenë fluturimet. Pasagjerët u evakuuan në Aeroportin e Plovdivit. Alarmim të rremë për bombë kishte edhe në Televizionin Kombëtar Bullgar (BNT). Nëpunësit e BNT-së u evakuuan brenda tri orësh. Sipas informacionit të Ministrisë së Punëve të Brendshme dje janë dërguar njoftime të tilla edhe në shtete të tjera të BE-së. Skema ka qenë e njëjtë – sinjalet u janë dërguar aeroporteve dhe mediave.

Sipas informacionit të Drejtorisë Kryesore  të Luftës me Krimin e Organizuar, njoftimet elektronike me kërcënim për pajisje shpërthyese iu dërguan adresave bullgare përmes serverave kompjuterikë që janë në Zvicër dhe në Ishujt Sejshelle.