Radioja Kombëtare Bullgare © 2020 Të gjitha të drejtat janë të rezervuara

Darin Vërbanov për Musikal Art Studion e tij dhe për punën e tij në Singapor

Ka shumë muzikantë bullgarë, të cilët kanë lënë gjurmë në kulturën botërore. Mes tyre janë jo vetëm zërat tanë të njohur të operës, por dhe një sërë dirigjentësh, solistë dhe koncert-mjeshtër në disa nga orkestrat më të njohura botërore. Shkaku të ikin nga atdheu dhe të kërkojnë lumturinë e vet si dhe një realizim jashtë kufirit është e ndryshme për secilin, por me siguri, përvoja të cilën e grumbullojnë është e paçmuehsme.

Përpara 17 vjetëve, që të zgjerojë horizontin e vet, violinisti Darin Vërbanov zgjodhi Singaporin e largët. Pavarësisht se ishte shumë intensive, puna e tij aty i pëlqen, me qenë se u është përkushtuar krejtësisht nxënësve të vet të shumtë nga të gjitha moshat në Musical Art Studion e tij. Aty zhvillohen kurse në piano, violinë, violë, violonçel, flaut, teori të muzikës. Qindra janë fëmijët, të cilët kanë kaluar përmes shkollës, e cila nuk pushon së punuari tashmë 10 vjet. Ajo vazhdon të përgatisë muzikantë të rinj madje në mungesë të Darinit, i cili pas një  kartë jeshile të fituar fare rastësisht, u nis për të jetuar dhe për të punuar në Shtetet e Bashkuara për rreth 3 vjet. Gjatë vitit 2016 ai u kthye në Singapor dhe vazhdoi punën e tij si pedagog  në lëndën e violinës, i cili ka grumbulluar kujtime të paharrueshme nga jeta e vet në Vendin e mundësive të pakufizuara. Darini pohon, se ka zgjedhur të kthehet, sepse :

“Kuptova se ajo të cilën e kam arritur tanimë aty qe shumë më tepër nga ajo të cilën mbase do ta fitoja, duke mbetur në Shtetet e Bashkuara. Shkaku tjetër qenë problemet, të cilat ekzistonin në vend. Një prej tyre është i lidhur me pronësinë e ligjshme të armës, gjë e cila e bën situatën në vend jashtëzakonisht të tensionuar dhe të pasigurt. Përveç kësaj sistemi i tyre shëndetësor është jashtëzakonisht i ngatërruar dhe pavarësisht se është në një nivel mjaft të lartë teknologjik, është jashtëzakonisht i shtrenjtë dhe është pothuajse e pamundur  të përdoret. Çështja racore është edhe një gjë tjetër, që nuk është tepër e këndshme. Kam rënë në situata, të lidhura me debate, të cilat janë plotësisht të kota, të shkaktuara vetëm për shkak të ngjyrës së lëkurës.”

Në Azi jeta është e ndryshme dhe shumë më e parashikueshme, gjë e cila të lejon të jesh më i qetë. Nuk e ke ndjenjën se jeta të përpin dhe të shtyp, siç ndodh në Shtetet e Bashkuara, mendon violinisti. Ai na tregoi për mundësitë, të cilat i fitojnë nxënësit në shkollën e tij private:

“Ne kemi mundësinë të arsimojmë dhe të krijojmë muzikantë profesionalë, por ky fare nuk është qëllimi i Musical Art Studio. Kuptimi i ekzistencës së një shkollë të ngjashme është t’u japë mundësi të gjithëve, të cilët duan të merren me muzikë, ta bëjnë këtë. Këta mund të jenë njerëz me profesione të ndryshme, të cilët në një ose tjetër shkallë, ekzekutojnë në një instrument të veçantë dhe e bëjnë për kënaqësi, sepse kjo i pasuron. Ish-nxënësit tanë u bënë mjekë, juristë , IT-specialistë e të tjerë.”


Të veçanta janë shkollat në Singapor, në të cilat nuk ka një orkestër simfonike. Shkolla e Darinit dallohet me këtë, se në të pedagogët janë vetëm bullgarë, të cilët e kanë fituar përvojën e vet tek ne, por që e kanë zhvilluar potencialin e vet në Shtetet e Bashkuara, Kajro dhe Singapor. Një stimul suplementar për nxënësit  është Ansambli i Harqeve, i krijuar pranë shkollës, i cili u lejon vazhdimisht të avancojnë dhe të përsosin veten si dhe të paraqiten përpara publikut. Koncertet e ansamblit janë shkak dhe për takim dhe njohje me ish nxënësit e shkollës të cilët u janë përkushtuar profesioneve krejtësisht të ndryshme, por vazhdojnë të ekzekutojnë muzikë për kënaqësi.

Foto: Musical Art Studio

Përgatiti në shqip: Nataniela Vasileva


Më shumë nga rubrika

Akademia e xhazit në BNR

Më 20 shkurt nga ora 19.00 në studion Nr. 1 të Radios Kombëtare Bullgare (BNR) do të mbahet koncerti i radhës i serisë “Big Bend Xhaz Akademia” – një prej projekteve të reja të Big Bendit të BNR-së, që filloi gjatë muajit janar të vitit 2019. “Xhaz..

botuar më 20-02-20 1.07.MD

Nxënës i këngëtares Rajna Kabaivanska u nominua për çmim ndërkombëtar

Një nga yjet e shkollës së primas operistike bullgare Rajna Kabaivanska, sopranoja e njohur botërisht Maria Agresta u nominua për çmimet ndërkombëtare operistike për vitin 2020 (International Opera Awards) në kategorinë “Këngëtarë më të mirë”...

botuar më 20-02-15 11.25.PD

Teodosij Spasov për muzikën në Antarktidë

Fyelltari bullgar me famë botërore Teodosij Spasov është interpretuesi i parë solo, i cili ka ekzekutuar muzikë në të gjitha kontinentet. Aktualisht ai është pjesë nga ekspedita e 28 antarktike bullgare, bashkë me kitaristin Hristijan Cvjatkov. Të..

botuar më 20-02-15 9.10.PD