Sot filloi sesioni i ri i Kuvendit Popullor me fjalimin e Presidentit Rumen Radev para deputetëve. Në të kreu i shtetit kritikoi ashpër organet ekzekutive, duke nënvizuar se “pak nga pak pushteti largohet nga duart e njerëzve dhe përqendrohet tek pak njerëz, të cilët dëshirojnë ta transformojnë atë në më shumë përfitime ekonomike për veten e tyre, në komoditet mediatik dhe në më shumë pushtet.

Ka nevojë për ndryshim, i cili do ta forcojë pjesëmarrjen e qytetarëve dhe kontrollin e ushtuar mbi qeverisjen, do t’i bëjë institucionet më transparente dhe llogaridhënëse, do t’i inkurajojë bullgarët të jenë më aktivë dhe të marrin pjesë në jetën e shoqërisë”, tha Presidenti.

Partia në pushtet GERB hodhi poshtë në mënyrë kategorike kritikat e Rumen Radevit. Grupet parlamentare deklaruan prioritetet dhe qëllimet e tyre, të cilat do t’i ndjekin gjatë sezonit të ri politik.