Metodikë e re për hetimin e aksidenteve në rrugë, mbledhje më efektive e gjobave të vëna për shkeljet e rregullave të qarkullimit, kontrollime të sigurisë së të gjitha rrugëve, jo vetëm të autostradave – këto janë disa nga rekomandimet në raportin e Agjencisë Shtetërore “Siguria e Qarkullimit Rrugor”.

Në bazë të këtij raporti të parë gjithëpërfshirës për sigurinë e qarkullimit rrugor në Bullgari do të përpilohet Strategjia për Sigurinë e Qarkullimit Rrugor për periudhën 2021-2030. Metodika e re për hetimin e aksidenteve në rrugë do të qëllojë analizën e thelluar të të gjitha fakteve dhe rrethanave të lidhura me aksidentet.

Aktualisht sipas të dhënave të Policisë Rrugore 96% prej aksidenteve të tilla në vend janë rezultat i gabimeve të shoferëve. Metodika e re do të analizojë siç sjelljen e shoferit, kështu edhe gjendjen e automjetit, atë të  infrastrukturës, situatën meteorologjike etj. Sipas rekomandimeve në hetimin e aksidenteve në rrugë duhet të marrin pjesë specialistë nga fusha të ndryshme – jo vetëm policë rrugorë, por edhe inxhinierë, ekspertë të sigurisë rrugore etj.