Nenpresidentja Iljana Jotova hapi në Sofje konferencën me temë “A ka Bashkimi Evropian potencial të jetë një lojtar global më vete?”, organizuar  nga Instituti për Marrëdhënie Ekonomike dhe Ndërkombëtare dhe Fondacioni “Fridrih Ebert”. Në fjalimin e saj zonja Jotova vuri në dukje se vendet-anëtare kanë mosmarrëveshje të shumta për vendimet e përbashkëta të jashtme politike dhe këto mosmarrëveshje pranohen si kompromis dhe jo si konsensus. Ajo pyeti  nëse ka ardhur momenti për rimendimin e Marrëveshjeve për Bashkimin Evropian, që të mund të arrihet një politikë e jashtme në të vërtetë e përbashkët. Mungon dhe pozita e qartë evropiane sa i përket zgjerimit të ardhshëm të Bashkimit Evropian. Nënpresidentja vuri në dukje çështjen lidhur me shenjat, të cilat i jep Komisioni Evropian mbi problemin e zgjerimit, duke ia dhënë resorin Hungarisë - një shtet i cili gjithnjë e më shpesh izolohet nga politikat e përbashkëta evropiane. Sipas Jotovës ndarjet e brendshme të cilat po paraqiten gjithnjë e më shpesh janë një kërcënim potencial për Bashkimin Evropian, duke pasur parasysh rreziqet për zhvillimin e tij të ardhshëm si një bashkësi e bashkuar.

“Është e domosdoshme që Evropa t'i evitojë dallimet midis Veriut dhe Jugut, midis Lindjes dhe Perëndimit. Evropa do të mbetet mjaft e vogël, në qoftë se ajo ndahet”, është e bindur zonja Jotova.