“Rastet e reja të kancerit të gjirit në Bullgari janë pak më shumë se 4000 për 2018-ën. Ato të vdekjes janë rreth 1400”. Këtë e tha para mikrofonit të Radios Kombëtare Bullgare prof. Zdravka Valerianova – drejtoresha e Regjistrit Kombëtar të Kancerit. Intervista me të është lidhur me Muajin botëror kundër kancerit të gjirit.

Ajo shpjegoi se rastet e kësaj sëmundjeje në Bullgari janë më pak në krahasim me tendencat evropiane dhe botërore, por në të njëjtën kohë vdekshmëria është më e lartë. Arsyeja kryesore për këtë është mungesa e skriningut në territorin e tërë vendit. Valerianova nënvizoi se Bullgaria dhe Sllovaka janë dy vendet, të cilat nuk kanë program kombëtar për luftimin e kancerit.