Brenda dy muajve Gjykata e lartë e Kasacionit do të shqiptojë vendimin e vet në lidhje me kërkesën e Kryeprokurorit Sotir Cacarov për rishqyrtimin e aktvendimit për lirim me kusht para afatit të shtetasit australian Jock Palfreeman, i cili ishte liruar me vendim të Gjykatës së Apelit (gjashtë vjet para fundit të vuajtjes së dënimit të tij 20-vjeçar për vrasjen e studentit Andrej Monov).

Lirimi para afatit i australianit provokoi diskutim të gjerë në shoqëri, në të cilin u përfshinë politikanë dhe ekspertë. Vetë Jock Palfreeman nuk ishte në sallën gjyqësore, ai ishte përfaqësuar nga avokati i tij. Në seancën gjyqësore ishte i pranishëm ambasadori i Australisë në Greqi, i cili do të mbikëqyrë këtë çështje.

Gjatë kohës së seancës rreth njëqind vetave me flamuj nga partia nacionaliste VMRO protestuan para godinës së Gjykatës në Sofje kundër vendimit për lirimin para afatit.