Një prej turoperatorëve më të mëdhenj bullgarë “Astral Holidays” bëri të ditur se ka falimentuar. Firma është partneri bullgar i kompanisë së falimentuar turistike britanike “Thomas Cook”. Udhëtimet e të gjithë klientëve që kanë blerë paketa udhëtimi dhe aktualisht janë jashtë shtetit janë mbuluar krejtësisht nga kompania. Tani për tani nuk ka rrezik për fluturimet e tyre, ose për vendosjen e tyre në hotele, si dhe për refuzimin e shërbimeve të tjera turistike, pohoi kompania. “Astral Holidays” nuk ka mundësi për të realizuar udhëtime të ardhshme të planifikuara të një pjese të klientëve të saj pas datës 07.10.2019. Ata do të informohen personalisht me anë të telefonit nga nëpunësit e shoqërisë dhe do t’u paguhet atyre dëmshpërblim me mjetet e garantuara nga sigurimi “Përgjegjësi e turoperatorit”.