Katër vite më parë pianisti Vasill Spasov krijoi formacionin e vet fënki-fjuzhën (funky fusion) me emrin Funkallero. Në të ai ftoi muzikantët e afirmuar bullgarë – Dimitër Ljolev (saksofon), Mirosllav Ivanov (kitarë), Radosllav Sllavçev – Riverman (bas) dhe Georgi Markov (bateri). Në vitin 2015 më 1 tetor – Ditën Ndërkombëtare të Muzikës grupi prezantoi albumin e vet të parë Funkallero. Sivjet, prapë më 1 tetor, promovoi projektin e dytë titulluar Sci-Funk. Më shumë hollësi sjell krijuesi i grupit dhe autor i pjesëve në album Vasill Spasov:
“Albumi i është kushtuar mikut tonë Vasko Parmakov, të cilin e respektuam shumë si njeri dhe si muzikantë. Krijova dhe një kompozim kushtuar Bill Evansit – “Balladë për Bill”. Të mos harrojmë se emrin e formacionit e huazuam nga pjesa e tij Funkallero. Ai i dha shumë muzikës xhaz dhe kështu ne shprehim respektin tonë ndaj talentit të tij. Përsa i përket emrit të albumit të ri Sci-Funk, pasi përkthimi fjalë për fjalë nuk tingëllon mirë në bullgarishten, vendosa që ai të jetë “Teoria e fënkut”. Ne jemi një formacion fjuzhën dhe ne e pranojmë muzikën në mënyra të ndryshme. Secili prej nesh ka përvojë muzikore dhe e thyen xhazin përmes shikimit të vet. Ja përse kolegët e mi e trajtojnë edhe pjesët e krijuara prej meje në mënyrë profesionale dhe i thyejnë përmes shijes dhe estetikës së tyre individuale muzikore. Ky është shkaku për të cilin muzika ime tingëllon në këtë mënyrë kur jemi në këtë përbërje. Kjo është teoria jonë e fënkut. Ky është edhe titulli i pjesës së parë në album Sci-Funk.”
Albumi përmban 9 pjesa prej autori të krijuara nga Vasill Spasovi, por në aranzhimin e tyre u përfshin edhe pesë muzikantët e grupit. Kompozimet gërshetojnë ritmikën e fënkut, me balade, elemente rok dhe ritmet relaksuese të fjuzhënit. Fletoren shoqëruese të albumit u realizua nga Dimitër Trajçevi.
Pas Sofjes, albumi do të prezantohet në qytete të ndryshme të vendit, ndërsa më 31 tetor adhuruesit e grupit do të kenë mundësi ta dëgjojnë në qytetin Pllovdiv në kuadrin e xhaz festës. Vasill Spasovi është me shpresë se gjatë vitit 2020 bashkë me kolegët muzikantë në grup do të arrijnë të prezantojnë album edhe në skena të tjera në vendin tonë dhe jashtë shtetit.
Përgatiti në shqip: Svetllana Dimitrova
Në mes të verës së nxehtë, Ljubo Kirov nuk ndalet së krijuari. Menjëherë pas premierës së albumit të tij "Zemra e re" dhe shfaqjes së koncertit të tij në platformën HBO Max, këngëtari nisi turneun e tij kombëtar nën moton “Zemra e re 2024”. Këngëtari..
Më shumë se 40 vjet më parë, një këngë u bë simbol i miqësisë. Por edhe sot ajo na sjell ngrohtësinë e emocioneve pozitive - të qeshurat, gëzimi, lumturia... "Miq" është një nga hitet e para të formacionit vokal Tonika SV - u zgjodh si kënga e..
"Fyelli është një instrument që ka tingëlluar gjithmonë rreth meje që nga fëmijëria. Mbaj mend mbledhjet familjare në Stara Zagora çdo të shtunë, në ditë me raste dhe në ditë pa raste, dhe atëherë gjithmonë këndohej" - ja çfarë na tregon Dimitër..
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga..