Radioja Kombëtare Bullgare © 2020 Të gjitha të drejtat janë të rezervuara

Po fillon cikli i koncerteve të vjeshtës nga Festivali i muzikës klasike braziliane

Festa braziliane për piano”, muzikë për samba xhaz trio dhe orkestër simfonike, një premierë botërore dhe dhjetëra krijime të tjera të panjohura (në Bullgari) – këto janë një pjesë nga surprizat e vargut të koncerteve “vjeshtore”. Ato “verore” qenë gjatë muajit qershor dhe korrik gjatë këtij viti. Le të shënojmë se Festivali i muzikës braziliane për piano po zhvillohet për herë të parë tek ne. Ideja është e Nara Vasconcelos-Barreto – një pianiste braziliane, e cila jeton në Bullgari më shumë se 10 vjet dhe është në themel të ngjarjeve të shumta, të cilat prezantojnë kulturën braziliane tek ne dhe atë bullgare në Brazili. Ajo është drejtoreshë e Institutit kulturor “Instituto Cultural Zenon Barreto, i cili e organizon ngjarjen. Partnerë janë Akademia Kombëtare Muzikore “Panço Vlladigjerov”, projekti “Miq nga afër dhe nga larg" të shoqatës “Kulturë, media, komunikacion”, Ministria e Kulturës dhe Ambasada e Brazilit tek ne. Ja se çfarë tregoi zonja Vasconcelos për programin dhe për interpretuesit:

Do të zhvillohet dhe cikli i dytë i koncerteve nga festivali i parë i muzikës klasike braziliane. Fillojmë më 6 nëntor me Carioca Concert № 2 nga Radamés Gnattali për samba xhaz trio dhe orkestër simfonike me pianistin nga Brazilia Diogo Monzo dhe muzikantët bullgar Aleks Atanasov /kontrabas/ dhe Simeon Simeonov /bateri/. Ata do të ekzekutojnë me Orkestrën Akademike Simfonike nën drejtimin e dirigjentes e cila është akoma studente Milla Pavllova. Më 7 nëntor muzikantët e jashtëzakonshëm Atanas Krëstev dhe Viktoria Vasilenko, do të prezantojnë vepra për violonçel dhe piano, të krijuara nga Vila-Lobos, Claudio Santoro, 100 vjetorin e të cilit e shënojmë në disa programe të festivalit, Camargo Guarnierie të tjerë. Këta janë kompozitorët më të njohur brazilian, krijimtaria e të cilëve “flet” për shpirtin e muzikës braziliane nga shekulli i 20. Ju ftojmë dhe në “Mbrëmjen e muzikës moderne braziliane për piano”/ më 11 nëntor/. Marrin pjesë studentë nga Akademia Kombëtare Muzikore dhe Diana Rahneva - pedagoge nga Shkolla Kombëtare Muzikore “Ljubomir Pipkov”. Kemi dhe koncert për violë dhe piano /më 18 nëntor/ – në muzeun “Boris Hristov” i cili është shumë i vlefshëm për ne. Ky repertor i cili interpretohet shumë rrallë do të prezantohet nga instrumentistet e reja brilante – Ilina Ilieva /violë/ dhe Nona Krinçeva /piano/. Përfundojmë me katër recitale të profesorit Rostisllav Jovçev, të cilat i bashkuam nën titullin e përgjithshëm “Festa Braziliane për piano”. Disa njerëz mendojnë se na ka shpëtuar germë në fjalën “Festa”. Por nuk kemi bërë gabim -“Fiesta “ është “festë” në gjuhën spanjolle, kurse “festa” është fjala në gjuhën portugeze. Kjo “festa për piano” përfshin dhe premierën botërore të veprës së Almeida Prado, e cila është gjendur pas vdekjes së tij gjatë vitit 2010.

Plovdiv, Varna dhe Pazarxhik janë qytetet në të cilat do të zhvillojë koncerte profesori Jovçev. Si dhe Sofja-më 25 nëntor në Akademinë Kombëtare Muzikore, kur do të jetë mbyllja e festivalit. Nara Vasconcelos tregoi dhe për përkrahjen e madhe të cilën e kanë marrë organizatorët nga drejtoria e Akademisë Kombëtare Muzikore “Panço Vlladigjerov”. Pedagogë dhe studentë marrin pjesë në prezantimin e krijimeve braziliane, kurse pjesa më e madhe e koncerteve janë në sallën e madhe të Akademisë. Fokusi sivjet është mbi muzika për piano, pavarësisht se ka krijime dhe për instrumente të tjera. Programi i të dyja vargjeve përfshin përgjithësisht 14 koncerte dhe mbi 50 krijime nga kompozitorët modern brazilian. Festivali do të vazhdojë edhe mot, një pjesë nga programi tanimë është gati.

Aktualisht në Sofje po zhvillohet dhe edicioni i katërt i “Javës së kinemasë dhe kulturës braziliane”(4-10 nëntor)-edhe një ngjarje, në organizimin e së cilës zonja Nara Vasconcelos merr pjesë.

Hyrja për filmat dhe koncertet nga programi është e lirë.

Përgatiti në shqip: Nataniela Vasileva

Më shumë nga rubrika

Tituj bullgarë dhe premiera në Operën e Sofjes

Stina e re e Operës së Sofjes i është kushtuar 130 vjetorit nga krijimi i trupës së parë të operës tek ne. Viti është 1890, pak pas Çlirimit, kur në Bullgari akoma nuk ka as arsim profesional muzikor, as mjaft bullgarë - instrumentistë dhe këngëtarë...

botuar më 20-10-09 6.05.PD

Hodhën poshtë kuotat për muzikë bullgare në eter

Komisioni për Mbrojtjen e Konkurrencës hodhi poshtë vendosjen e kuotave për muzikë bullgare në eter për arsye se kjo kufizon konkurrencën. Propozimi për ndryshime në Ligjin për Radion dhe Televizionin u paraqit nga VMRO. Kuotat për muzikë..

botuar më 20-10-06 8.18.MD
DJ Delightfull

DJ-i bullgar Delightfull – Deljan Ljuckanov fitoi në një kampionat botëror

DJ-i bullgar Delightfull – Deljan Ljuckanov u bë fitues në kampionatin 2020 Cut2Cut World Championships, bëri të ditur sajti trud.bg. DJ-I 27 vjeçar nga Sofja, i cili banon në Vjenë, u klasifikua në vend të parë në kategorinë turntable..

botuar më 20-10-05 6.08.MD