Radioja Kombëtare Bullgare © 2021 Të gjitha të drejtat janë të rezervuara

Bletarja Neli Sallçeva: Një kavanoz me mjaltë jep më shumë shëndet, sesa çdo ilaç

Foto: Шевкие Чакър

Shoqata bashkiake “Akacia” e qytetit të Plovdivit organizon nga 8 deri më 17 nëntor ekspozitën e fundit për këtë vit për produkte bletësh. Ndër ekspozuesit janë Neli Sallçeva dhe bija e saj Gergana dhe stenda e tyre i tërheq vizituesit me kavanozët e rrenditur mirë, me lloje të ndryshme mjalti dhe me larminë e produkteve. Prandaj dhe klientët janë shumë.

Familja ime merret me bletari prej shumë kohësh.Kemi katër bletore – tregon Neli Sallçeva dhe vazhdon: Njëri është në malin Stara Pllanina afër qyteti Kallofer, tjetri në fshatin Prellom afër Karllovski Bani (Llixhat e Karllovos), i treti – në fshatin Dragomir – në malin Sredna Gora, kurse i katërti – në fushë – në fshatin Stroevo. Në bletoret e ndryshme përpiqemi ta diferencojmë mjaltin, në mënyrë që të ofrojmë lloje të ndryshme.

Prodhojmë 7 lloje mjaltë – prej lulesh mali, prej koriandri, prej livande, prej bliri, prej nektarit të blirit (këtu dua të them se në malin pranë Kalloferit ka shumë bli), prej akacieje dhe kolze. Viti nuk ishte i përshtatshëm për prodhimin e mjaltit të akacies, sepse bletët e përzien me drizën.

Si pronare e bletoreve në mal dhe në fushë, Neli Sallçeva i përmblodhi problemet e bletarëve kështu:

Në fushë pësuam dëme për shkak të spërkatjeve me pesticide që përdoren në bujqësi. Kjo ndikoi rendimentin tonë. Në mal nuk kemi problem me kimikatet, por atje prodhimi është më i ulët. Mjalti në mal është më i trashë, më i fort, por sasia e prodhimit është më e vogël.

Për shkak të çmimeve të ulëta të mjaltit familja Rallçevi preferon t’ua shesë produktet e veta drejtpërsëdrejti klientëve përfundimtarë, të cilët i kërkojnë dhe i vlerësojnë lartë cilësitë e mjaltit nga malet Stara Pllanina dhe Sredna Gora. Ndoshta do të kërkojmë dhe klientë jashtë vendit – thotë për planet e saj Neli Sallçeva. Derisa flasim, stenda e bukur e saj tërheq vëmendjen e një grupi turistësh anglezë.

Të huajtë pëlqejnë të gjitha llojet e mjaltit – thotë me buzëqeshje pronarja. – Para se të filloja të merresha me bletari, më kishin thënë se evropianët e pëlqejnë më shumë mjaltin me shije “të lehtë” – si mjalti prej akacie dhe ai prej kolze. Nuk është kështu. Ata pëlqejnë të gjitha llojet e mjaltit bullgar. Për ata, të cilët akoma dyshohen në vetitë çudibërësi të bletëve, Neli Sallçeva shpjegoi:

Stresi në jetë na ndikon shumë negativisht. E mira tek ne bletarët është kur shkojmë tek kosheret, çdo dhembje zhduket, sidomos kur i do bletët. Fillon të merresh me problemet e tyre. Ajri i pastër, plot me feromonet e tyre ndikojnë shumë mirë trupin e njeriut.

Dhe përveç kësaj sipas Nelit bletët “edukojnë”:

Njeriu i pistë nuk mund të bëhet bletar, pijaneci nuk mund të bëhet bletar, njeriu nervoz nuk mund të bëhet bletar. Në se bie zilja e celularit në xhepin tim derisa punoj afër bletët, ata menjëherë reagojnë. Po të thërras burrin tim me zë të lartë, kur ai është larg meje, bletët përsëri bëhen nervoze. 

Pavarësisht se Bullgaria prodhon mjaltë me cilësi shumë të lartë, bullgari, ndryshe nga evropianët konsumon pak mjaltë. Pse është kështu?

Në të vërtetë bullgari ha pak mjaltë. Dhe prandaj me këto ekspozita përpiqemi të tërheqim vëmendjen e konsumatorëve, t’i shpjegojmë  sa të shumta janë dobitë e mjaltit dhe kjo është një mundësi për ne që të kontaktojmë me klientin përfundimtar. Shoqata jonë organizon ekspozita të tilla çdo pranverë dhe çdo vjeshtë dhe stendat tona janë në qendrën e Plovdivit nga 10 ditë. 

Në fund të bisedës sonë Neli Sallçeva bëri thirrje:

Është më mirë të hani mjaltë se sa të blini medikamente në farmaci. Një kavanoz mjaltë jep më shumë shëndet sesa çdo ilaç!

Përgatiti në shqip: Jordanka Ivanova

Foto: Shevkie Çakër

Më shumë nga rubrika

Gjeorgji Komsallov, Boris Kallajxhiev dhe Jasen Nedjallkov, themelues të punëtorisë së përbashkët

Punëtoria e parë e përbashkët në Sofje zbulon mundësi për ide krijuese

Ideja e mirë është e paçmuar, më në veçanti kur njeriu i përkushtohet asaj. Pavarësisht dhe me hapa të vegjël, ajo do të bëhet realitet dhe do t’u shërbejë njerëzve të tjerë në shoqëri. Mishërimi i një ideje praktike dhe shumë të dobishme është krijimi i..

botuar më 21-01-19 7.15.PD

2.8% e shpenzimeve për shëndet në Bullgari përdoren për profilaksi

Gjatë vitit 2018 shpenzimet mesatare shtetërore dhe private për profilaksi në BE janë 2.8% e të gjitha shpenzimeve për shëndet. Në bullgari treguesi është sa është niveli mesatar për BE-në – 2.8%, transmetoi BTA. Kjo përqindje është më e lartë në..

botuar më 21-01-18 4.49.MD

A kanë të ardhme blloqet e panelit në Bullgari?

Lagja Trakia në qytetin Plovdiv, komplekset Ljulin, Mlladost, Druzhba, Tollstoj dhe shumë të tjera në Sofje - e përbashkëta midis tyre është se banuesit e tyre banojnë kryesisht në ndërtesa të parafabrikuara, një simbol i urbanizimit në vendet  e kampit..

botuar më 21-01-18 12.27.MD