Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Tregu i Krishtlindjeve na përgatit për atmosferën festive në Sofje

Një ngrohtësi për shpirtin dhe një ikje nga stresi propozon Tregu gjerman tradicional lidhur me festat e krishtlindjeve në Sofje. Ai ndodhet në në Kopshtin e Qytetit, në disa metra nga Teatri Popullor “Ivan Vazov” në qendër të kryeqytetit dhe hapidyer më 22 nëntor. Pazaret me rastin e Krishtlindjeve në Evropë kanë një traditë shumëshekullore. Supozohet se i pari i këtij lloji është organizuar gjatë vitit 1384 në qytetin gjerman Bautzen, pavarësisht se për një paraardhës të tyre pranohet “Pazari i Dhjetorit” në Vjenë, i cili ekziston që nga viti i largët 1294. Më shpesh pazaret vazhdojnë rreth 40 ditësh – nga mesi i muajit nëntor deri më 24 dhjetor. Në Sofje një ngjarje e ngjashme e “ngroh” atmosferën festive të Krishtlindjeve tanimë 9 vjet.


“Gjatë vitit të ardhshëm do të festojmë një jubile 10 vjeçar. Unë jam një nga këngëtarët në program. Ju ofrojmë mundësi bullgarëve të afrohen deri tek fryma tradicionale e Krishtlindjeve të Gjermanisë dhe të Austrisë. Që të gjithë argëtohen shumë, atmosfera është shumë e këndshme. Propozojmë shtolenin karakteristik/ një bukë e ëmbël me fruta të thata/, vurste /salsiçe/ të ndryshme, bukëza të vogla, kurabie të punuara në dorë. Do të ketë verë të ngrohtë dhe punsh (pije alkoolike me fruta). Jemi kujdesur dhe për vogëlushët – ata do të mund të provojnë një punsh për fëmijët e vegjël dhe ëmbëlsira të tjera të shijshme. Babagjyshi i vitit të Ri do të jetë këtu çdo mbrëmje që të mund të dëgjojë të gjitha dëshirat e tyre festive” – tregon këngëtari austriak Armin Jan Hofman, i cili prej 5 vjetëve jeton në Bullgari, kurse që prej 3 vjetëve merr pjesë në organizimin e pazarit festiv.

Në ditët e punës program do të ketë vetëm në darkë, kurse të shtunën dhe të dielën do të propozojnë aktivitete interesante gjatë gjithë ditës. Në skenë do të shikojmë  muzikantë të dashur bullgarë, këngëtarë nga shou-të e ndryshme  televizive, si dhe interpretues të huaj. Këngët e njohura dhe të vjetra gjermane si dhe këngët klasike kushtuara Krishtlindjeve do të ketë çdo natë në programin muzikor. Vogëlushët do të kenë mundësi të përfshihen në interpretimet korale ose të recitojnë vjershën e tyre të dashur përpara publikut. Kuptohet, vallëzimet e ndryshme po kështu do të jenë një pjesë e pandarë nga dëfrimi.


Shpirt i fortë, trup i shëndetshëm – kjo është më e rëndësishmja për ne. Kur shpirti yt ndihet mirë, sëmundjet qëndrojnë larg. Në tregun e Krishtlindjeve, njerëzit harrojnë për kohën, harrojnë stresin dhe përmbushen me emocione pozitive thotë akoma Armin Jan Hofman.

Gjendja shpirtërore me frymë festive mund të transmetohet dhe nëpër shtëpitë bullgare përmes zbukurimeve për pemën e vitit të Ri dhe për shtëpinë, të krijuara nga firmat e vogla familjare në Gjermani.

Gjatë viteve të kaluara derisa zhvillohej tregu nuk kishte shumë ditë me dëborë, por në Sofje ka një mundësi mjaft të madhe që koha të na gëzojë. Krishtlindja e fundit me dëborë në Vjenë ishte gjatë vitit 1991, përpara shumë kohe. Përpara kësaj pothuajse çdo vit kishte dëborë, më kujtohet sesi shkonim në kishë, derisa binte dëborë. Tanimë festat e Krishlindjeve nuk janë bardha, më tepër janë të gjelbra” – tregon akoma këngëtari austriak. Pazari vazhdon deri më 21 dhjetor.

Përgatiti në shqip: Nataniela Vasileva

Foto: BGNES


Последвайте ни и в Google News Showcase, за да научите най-важното от деня!

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD