Gripi po vonohet

Po rritet numri i atyre të cilët dëshirojnë të vaksinohen  kundër sëmundjes infektive. Dy herë më shumë bullgarë do të vaksinohen kundër gripit gjatë këtij viti. Kjo do të thotë se njerëzit po fillojnë t’i lënë mënjanë paragjykimet e veta kundër këtij lloji parandalimi.

Vaksinat kundër gripit tanimë nuk janë në dispozicion nëpër farmacitë, tha inspektori shtetëror i shëndetësisë doktor Angjell Kunçev. Janë blerë të gjitha 160 mijë dozat që ishin destinuar për shitje të lirë. Për njerëzit mbi 65 vjeç janë siguruar vaksina falas, të cilat vihen nga mjekët familjarë. Pritet që 120 mijë njerëz të moshuar do të imunizohen kundër sëmundjes infektive.


Në vend janë importuar përgjithësisht 280 mijë doza prej vaksinës kundër gripit dhe një pjesë e madhe prej tyre tanimë janë përdorur – njoftoi akoma doktori Angjell Kunçev. Kështu barriera prej 2-3% njerëz të vaksinuar mbi moshën 65 vjeç për stinë, tanimë është e tejkaluar. Shpresojmë që pak nga pak do të fillojë të rritet numri i njerëzve të mbrojtur nga gripi, derisa të arrijmë 75-80 veta me vaksinë kundër grupit nga të rekomanduarat 100% për Evropën.

Në vendin tonë akoma nuk ka raste të regjistruara të gripit, informon profesori Todor Kantarxhiev, drejtor i Qendrës së Sëmundjeve Infektive dhe Parazitare. Laboratori kombëtar çdo ditë analizon mostrat e personave me infeksione të frymëmarrjes. Gjatë ditëve të fundit specialistët kanë analizuar material për 14 lloje viruse, të marrë prej 17 fëmijëve dhe 5 nga mostrat kanë dalë pozitive. 3 nga fëmijët kanë rinoviruse kurse 2 kanë viruse nga grupi i parë.


Kur flasim për infektimet e virusit të sistemit të frymëmarrës, pothuajse çdo një prej tyre mund të çojë deri në një prekje shumë të rëndë të mushkërive, sepse gripi shpesh krijon ndërlikime shtoi profesori Todor Kantarxhiev.Kështu nga 10 mijë të sëmurë tek ne çdo vit një merr inflamacion për shkak të infeksionit viral . Një nga çdo 3 mijë veta mund të zhvillojë infeksion të rrufeshëm të gripit vetëm për disa orë dhe kjo mund të çojë deri në dështim të frymëmarrjes dhe gjakderdhje në mushkri.

Gjatë këtij viti priten 4 lloje gripi - Brisbane, Kolorado, Kanzas dhe Puket, prandaj dhe vaksina është katër-valente.  Të sëmurët e parë mbase do të paraqiten deri në mesin e muajit dhjetor.

Një miliardë veta për vit sëmuren nga gripi dhe ai mund të shkaktojë mortalitet të lartë – deklaroi doktori Skender Sila, drejtues i ofisit bullgar të Organizatës Botërore të Shëndetësisë.


Çdo vit rreth 650 mijë veta nëpër botë vdesin nga sëmundjet e frymëmarrjes, të lidhura me gripin, kurse në Evropë ata janë 72 mijë. Më të prekur nga ndërlikimet e rënda janë njerëzit e moshuar, gratë me barrë, fëmijët e vegjël, njerëzit me imunitet të shkatërruar dhe ata me sëmundje kronike. Ja përse mjeti më i mirë për mbrojtje nga gripi është vaksina. Vaksinat e gripit janë të sigurta dhe shumë efikase-ato janë mënyra bazë për evitimin e sëmundjes së gripit dhe për pakësimin e rrezikut nga epidemia. Vaksinat kundër gripit sezonal aplikohen tanimë më shumë se 50 vjet, ato u janë vënë milionë njerëzve dhe janë dëshmuar si të parrezikshme.

Në sajë të vaksinave gjatë këtij dimri do të kemi dy herë më shumë njerëz të mbrojtur, komenton dhe profesori Todor Kantarxhiev.

Ky është hapi i parë, sepse ne mbeteshim mbrapa prej shumë shteteve. Që këtu e tutje duhet të mendojmë për vaksinim më të gjerë dhe të punonjësve mjekësorë, të grave me barrë dhe të fëmijëve, me qenë se tek ta infektimi është shumë i rëndë. Por e gjithë kjo duhet të bëhet me bindjen e shoqërisë se, vaksina nuk është e rrezikshme, se nuk fsheh rreziqe dhe efekteve anësore për të vaksinuarin dhe se prej saj ka dobi, sepse pakësohet mundësia për t’u sëmurur. Por, edhe sikur të sëmuresh pakësohen ndërlikimet dhe rreziku nga hyrja në spital.

Dhe derisa presim që gripi të na vijë, është mirë të dimë se duhet të lajmë duart tona rregullisht, të mbulojmë hundën dhe gojën gjatë teshtimës dhe kollitjes, të përdorim shami për përdorim të njëhershëm dhe t’u shmangemi kontakteve me njerëz me simptoma të sëmundjes.  

Përgatiti në shqip: Nataniela Vasileva

Foto: BTA

Më shumë nga rubrika

“Vegja e Krishtlindjes” për fëmijët dhe të rriturit kureshtarë

Duhet t’i duash shumë fëmijët, që të mund të shpikësh një program të tillë. Janë zhvilluar mbi 200 aktivitete, kurse fillimi është gjatë vitit 2015. Fare në frymën e ditëve tona të përditshme të internetit, pa bërë përpjekje të veçanta, vogëlushët..

botuar më 19-12-12 10.35.PD
Valle e përfaqësuesve të pakicës bullgare në Shqipëri në qendër të Tiranës

Mësimi i gjuhës bullgare – prioritet për bullgarët në Shqipëri

Në vazhdim të shekujve territori i Shqipërisë së sotme ka hyrë në kufijtë e shtetit bullgar. Në një intervistë për Radio Bullgarinë para disa muajsh historiani Jordan Kolev tha se popullsia bullgare në Shqipëri është autoktone, ashtu siç është dhe ajo..

botuar më 19-12-12 9.05.PD

“Rendimenti” i pasur i medaljeve i olimpikëve bullgarë në shkencat natyrore

Shtatëdhjetë e nëntë medalje dhe certifikata nga olimpiadat ndërkombëtare – ky është bilanci vjetor për skuadrat e nxënësve bullgarë në olimpiadat ndërkombëtare të shkencave natyrore. Në takimin e tyre vjetor në Muzeun Arkeologjik Kombëtar erdhi..

botuar më 19-12-11 2.54.MD