Stefka Mineva – një nga zërat bullgarë, që ka lënë një gjurmë të thellë në teatrot operistikë “La Skala”, “Metropoliten”, “Arena di Verona”, do të nderohet në skenën e Operës së Stara Zagorës me rastin e jubileut të saj të 50. Në kuadrin e Festivalit të Artit të Operës dhe Baletit, i cili aktualisht po zhvillohet në qytet, sonte në skenë, për nder të këngëtares së njohur të operës do të këndojnë Cvetelina Vasileva, Maria Bellçeva, Tatjana Shivarova, Sanja Anastasija, Kaludi Kaludov, Veselin Mihajllov, Niko Isakov dhe Aleksandër Krunev. Mexosopranoja Stefka Mineva fillon karrierën e saj pikërisht në skenën e Operës së Stara Zagorës, ndër themeluesit e së cilës janë edhe prindërit e saj, që të ngjitet pas kësaj në skenat më të larta botërore. Aktualisht ajo përsëri punon në Teatrin e Operës në qytetin e saj të lindjes si konsulent. Gjatë këtij viti Festivali i Artit të Operës dhe Baletit gjithashtu shënon jubileun e vet të 50-të, duke prezantuar një program të pasur prej titujsh të veprave të baletit dhe të operës, premiera dhe përvjetorë të krijuesve të njohur. Festivali do të mbyllet më 7 dhjetor me operën “Falstaf” të Verdit – një spektakël i Operës së Plovdivit me pjesëmarrjen e dirigjentit Pavell Balev dhe të solistëve me famë botërore Kirill Manollov dhe Mariana Pençeva.
Projekti “Artistë që këndojnë” i producentit Igor Markovski tashmë ka këngën e tij të 41-të me titullin “E di prej kohësh”. Ajo është një duet lirik i këngëtares Maja Jordanova dhe kompozitorit Momçill Kolev, i cili krijoi muzikën. Aranzhimin e bëri..
Në ditët e fundit të verës, Tedi Ruseva me emrin artistik Tiara prezanton këngën e saj të re “Vetëm deti”. Me të, aktorja, karriera muzikore e së cilës filloi vetëm katër vjet më parë, përmbushi ëndrrën e saj të dashur - të marrë pjesë në konkursin..
I riu Todor Gaxhallov merret me muzikë që në moshën 5 vjeçare, kur filloi të luante piano dhe të këndonte. Shkollimin e vazhdoi në shkollën e muzikës në Plovdiv dhe pas kësaj edhe në akademinë e muzikës në Sofje. Që në moshë të re merrte pjesë..
Pas 17 takimesh të suksesshme në Evropë, formati i njohur letrar "Kutia postare për përralla" vazhdon turneun evropian me 11 vende të tjera. Ai paraqet..
Edicioni i dytë i festivalit për muzikën e rrugës dhe kulturën autentike urbane Street Music Fest pret fansat e tij nga 27 deri më 29 shtator në sheshin..