Desi Andonova prezanton albumin e saj debutues Audio Book

Foto: arkiv personal

Desi Andonova është një pjesë e rëndësishme nga muzika e re, moderne bullgare. Në skenën bullgare është e njohur shumë mirë nga grupet  Phuture Shock, Plastic Hi-Fi, Scam, Lava Lava и Sentimental Swingers. Ajo është dhe mes zonjave DJ në Bullgari. Por,  mezi tani ndihet mjaft e pjekur si krijuese, që të mund të nxjerrë albumin e saj solo. Desi e ka titulluar Audio Book dhe ka përfshirë në të 10 këngë. Prezantimi zyrtar është më 30 Nëntor, në një prej klubeve të kryeqytetit.

Mbi këtë album po punoj prej mjaft kohe. Ky është një udhëtim për mua. Që të mund të arrijë deri këtu, duhej të ndryshoj shumë gjëra në qëndrimin tim lidhur me punën. Ftova Gjeorgji Donçevin i cili i bie kontrabasit, Vasill Vutevin - bateri, Bozhidar Vasilevin - trombin dhe sintetizues dhe Dimitër Gorçakovin - piano. Vendosa që këta muzikantë të jenë bërthama për incizimin e albumit tim. Kështu nisi çdo gjë përpara dy vjetëve, kur bashkë realizuam dhe koncertin e parë me kompozime nga Audio Book. Vasill dhe Bozhidar janë producentët e mi muzikor. Në sajë të tyre disku tingëllon në  mënyrë homogjene. Singli i parë, i cili doli vjet, quhet Misery dhe është kompozicioni i vetëm, i cili nuk është  imi. Ai është i Saigos-një këngëtar dhe producent nga Losë Anxhelesi, me të cilin punuam bashkë në një moment. Ai ma dhuroi këtë këngë dhe kështu Misery u bë singli pilot i albumit. Kuptohet se tingëllon shumë më ndryshe nga këngët e tjera, të cilat janë të kompozuara prej meje. Përzierja e Audio Book u bë për disa muaj, por unë nuk nxitoja të botoj albumin, nuk kisha një afat përfundimtar. Për këtë periudhë nxora edhe 3 single prej tij.

Miq të posaçëm për Audio Book, të cilët Desi Andonova i ka ftuar janë Petër Jotov /kitarë/, Roko Zahariev /bori/ dhe Linda Mançeva /violonçel/.

Unë jam jashtëzakonisht e lumtur nga ky album, sepse u rita me të. Sivjet pata mundësinë, bashkë me muzikantët e tjerë, të prezantoj përpara premierës Audio Book në disa festivale tek ne, si në Nish të Serbisë. Patëm një lidhje të shkëlqyer me publikun dhe qe një përjetim i paharrueshëm për ne. Më gëzon fakti se, disku është i përshtatshëm dhe për festivale të xhazit. Besoj se, do të mund të gjejë vendin e vet në një lloj skene të ngjashme. Pas kësaj muzike mund të qëndroj dhe të them “kjo jam unë”. Në albumet e mëparshme të cilat i kam incizuar kishte kompromise të shumta. Tani me të vërtetë jam unë - në mënyrën në të cilën tingëllon muzika në të. E shpërndaj Audio Book në mënyrë digjitale. Shpresoj të ketë sukses edhe në festivale. Dua të bëj një pllakë vinili /gramafoni/, ky është një qëllim shumë serioz për mua. Shpresoj që deri në pranverë ta kem realizuar.

Hristo Raçev nga Sound Ninja Studios bëri përzierjen në Audio Book, kurse masteringu  final është vepër e Brus Tempëlltënit nga Microphonic Mastering.

Përgatiti në shqip: Nataniela Vasileva

Më shumë nga rubrika

Profesori Sava Dimitrov-i riu: “Shkolla bullgare e klarinetës po vazhdon të formojë profesionistë të shkëlqyer”

Sivjet u mbushën 100 vjet nga lindja e profesorit Sava Dimitrov dhe kjo është arsyeja për organizimin e disa ngjarjeve kulturore. Siç u bë e qartë përpara disa ditëve – në emër të profesorit të respektuar ishte  themeluar një konkurs ndërkombëtar...

botuar më 19-12-14 11.40.PD

Premiera e shumëpritur e veprës “Të mjerët” në operën e Sofjes

Më 6 dhjetor në skenën e operës së Sofjes, për herë të parë tek ne do të prezantohet shfaqja muzikore “Të mjerët”. Historia emocionuese nga romani më i njohur i Viktor Hygoit është rikrijuar shumë herë në produkte teatrale, televizive dhe..

botuar më 19-12-06 10.07.PD

Projekti Next Step mbledh muzikantë të afirmuar bullgarë të xhazit

Mirosllav Turijski (piano) dhe Hristo Jocov (bateri) gjatë viteve kanë dëshmuar talentin e vet si këngëtarë dhe kompozitorë. I njohim prej një sërë projektesh /përfshi dhe të përbashkëta/, incizime të muzikës prej autori, pjesëmarrje në xhaz..

botuar më 19-12-04 1.03.MD