Një nga qëllimet kryesore e politikës së re të përbashkët bujqësore 2021 – 2027 është kujdesi për ambientin rrethues dhe klimën. Kjo u bë e qartë gjatë prezantimit zyrtar të analizës SWOT për ambientin rrethues dhe klimën hartuar nga Universiteti Agrar në qytetin Pllovdiv. Ndër qëllimet specifike të parashikuara në politikën e re bujqësore janë kontributi për zbutjen e pasojave të ndryshimeve klimatike dhe adaptimi me to, si dhe inkurajimi i zhvillimit të qëndrueshëm dhe menaxhimi efektiv i resurseve natyrore si uji, dheu, ajri. Mbrojtja e  larmisë biologjike, përmirësimi i shërbimit të ekosistemeve dhe mbrojtja e rajoneve të banimit dhe landshaftit gjithashtu janë pjesë të pandarë të politikës së përbashkët bujqësore. Vendi ynë u angazhua të krijojë vullnetarisht skema ekologjike për bujqit, të cilat duhet të përfshijnë stimuj për praktika bujqësore të dobishme për ambientin rrethues dhe për klimën. Në Plovdiv asociacione bujqësore prezantuan praktika të mira ekologjike që kanë të bëjnë me zhvillimin më të qëndrueshëm të bujqësisë ekologjike.