Nga 10 deri më 15 dhjetor në Pallatin Kombëtar të Kulturës zhvillohet forumi më i madh në Bullgari, kushtuar librit. Panairi i 47-të ndërkombëtar i librit në Sofje zhvillohet paralelisht me Festivalin e shtatë ndërkombëtar të letërsisë dhe për dy eventet në kryeqytet mblidhen autorë me famë botërore.

Kjo është një hapësirë për dialog dhe për takim të letërsive të gjuhëve të vogla me ato të gjuhëve të mëdha dhe për prezantim të kulturave të shteteve të ndryshme.

Programi ndërkombëtar sivjet është me theks mbi letërsinë në gjuhën franceze. Marrin pjesë mbi 160 shtëpi botuese dhe tregtarë librash nga Bullgaria dhe nga jashtë me premiera të shumta të librave më të rinj dhe me takime me autorë, botues dhe përkthyes. Për vizituesit më të vegjël është parashikuar program i posaçëm.