10 000 bredha të vitit të ri janë pjesë e fushatës bamirëse të Ministrisë së Bujqësisë “Mbjell shpresë”. Ato mund të blihen në 38 vende në Bullgari, kurse në Sofje do të shiten para godinës së Ministrisë së Bujqësisë. Pesë leva nga çmimi i secilës peme do të dhurohen për kauzën e fondacionit “Dua bebe” – në përkrahje të familjeve me probleme të lidhura me shëndetin reproduktiv. Sipas të dhënave të fondacionit  numri i këtyre familjeve në Bullgari është 145 mijë. Kjo është fushata e tretë e tillë. Në edicionet e saj të mëparshme janë blerë 4 mijë bredha. Gjatë pranverës së vitit të ardhshëm pemët e fushatës do të mbillen ne “parqe të shpresës”.