Prodhuesit e bukës, bulmetrave dhe mishit për herë të radhës ankohen për shkak të presionit të ushtruar mbi ta nga ana e supermarketëve. Sipas prodhuesve mënyra e punës e supermarketëve me furnizuesit do të çojë në falimentime dhe në hyrjen e tyre në informalitet.

Gjatë dy muajve të fundit çmimet e ushqimeve janë rritur në mënyrë të konsiderueshme për shkak të politikës së supermarketëve. Ndërkohë çmimet që i marrin prodhuesit për mallrat e tyre mbeten të njëjtat, pavarësisht rritjes së çmimeve të lëndëve të para.

Konflikti ndërmjet prodhuesve dhe supermarketëve mbetet i njëjtë akoma që nga hyrja e zinxhirëve në tregun bullgar dhe deri tani nuk ka zgjidhje. Sipas prodhuesve në se para 6-7 vjetëve supermarketët kanë zotëruar 30% prej tregut me pakicë, tani pjesa e tyre është 60%, kurse në qytetet më të mëdha arrin 77%.