Radioja Kombëtare Bullgare © 2020 Të gjitha të drejtat janë të rezervuara

Biatlonisti Vlaldimir Iliev u bë sportist Nr. 1 i Bullgarisë për vitin 2019

Vlaldimir Ilievi është sportisti bullgar i vitit 2019. Ai qëndroi në krye të klasifikimit në sajë të medaljes së argjend për biatlonin bullgar në disiplinën 20 kilometra me start individual fituar në Kampionatin Botëror në Jostersund të Suedisë. Pas tij u radhitën vrapuesja Ivet Llalova dhe tenisti Grigor Dimitrov.

U falënderoj të gjithë gazetarëve të cilët votuan për mua, Ministrisë së Rinisë dhe të Sportit, Federatës së Biatlonit, Ushtrisë Bullgare, prindërve të mi dhe ekipit të mi, pra të gjithë atyre të cilët ndihmuan për sukseset e mia gjatë viteve. Ju uroj festa të mbara të fundvitit – tha Vlladimir Ilievi në një video, sepse ndodhet në Francë ku merr pjesë në garat për Kupën Botërore të Biatlonit. Disa ditë më parë ai mori edhe çmimin “Ikar” të Fondacionit “Sportist Bullgar”

Bullgarja më e shpejtë Ivet Llalova përveç vendit të dytë në klasifikimin e gazetarëve mori edhe çmimin e publikut. Viti 2019 ishte një nga më të suksesshmet për vrapuesen bullgare pasi në Kampionatin Botëror në Doha zuri vendin e shtatë në vrapim në 200 metra dhe korri dy fitore në 100 dhe 200 metra në garën evropiane të skuadrave dhe në kampionatin ballkanik. Kështu ajo mori dy kuota për pjesëmarrjen e pestë në olimpiadë.


Është një kënaqësi e madhe për mua që herën e tetë të hyj në këtë klasifikim. Gjatë vitit që po përfundon arrita të bëj klasifikimin më të mirë, për më tepër se gjithnjë e më shpesh më pyesin kur kam ndërmend të heqë dorë nga garat – tha sportistja.

Tenisti Grigor Dimitrov e përfundon vitin në vendin e 20-të të klasifikimit të

Asociacionit të Tenistëve Profesionalë ATR. Në kampionatin e hapur të ShBA-së ai arriti gjysmëfinalet duke korrur fitore mbi tenistin Roxhër Federer. Kështu Grigor Dimitrovi u kthye ndër tenistët më të mirë, duke demonstruar formën të cilën e kishte kur zëntë vendin e tretë në botë. Bullgari riafirmoi prezantimin e mirë në Mastërsin e Parisit, ku prapë luajti në gjysmëfinalet. 


Më vjen keq se nuk mund të asistoj sonte në dekorim. Ju falënderoj për përkrahjen e madhe gjatë të gjitha viteve – theksoi në një video tenisti Grigor Dimitrov. – U uroj të gjithë sportistëve që të vazhdojmë të arrijmë fitore në emër të Bullgarisë dhe të jemi edhe më të suksesshëm gjatë vitit 2020.

Sportist më i mirë me mundësi të kufizuara u shpall kampioni i atletikës së lehtë Hristijan Stojanov.

Në dhjetëshen e sportiszëve më të mirë për vitin 2019 hyrën edhe Bozhidar Andreev – peshëngritje, Tajbe Jusein - mundje, Albert Popov - ski, Radosllav Pantaleev - boks, Kubrat Pulev - boks, Marija Orjashkova - sambo, Borjana Kalejn - gjimnastika artistike.

Çmimet për skuadër dhe trajner më të mirë të vitit ishin për gjimnastikën artistike. Mbajtëset e medaljeve të arta Simova Djankova, Laura Traats, Madlen Radukanova, Stefani Kirjakova dhe Erika Zafirova u dalluan vitin e tretë me radhë. Gjatë vitit ato fituan medalje të argjend dhe të bronztë në Kampionatin Botëror në Baku dhe morën një sërë medaljesh dhe kupash.


Para neve është nj vit i cili do të ketë rëndësi të madhe në karrierat tona sportive – tha kapitenia e skuadrës Simona Djankova. – Qoftë në fund të vitit të ardhshëm prapë të qëndrojmë këtu me çmim në dorë – si sportiste të cilat e arritën ëndrrën e vet dhe se bënë që Bullgaria të krenohet me to. 

Tranerja numër një Vesella Dimitrova u uroi sportisteve të arrijnë suksese të shumta gjatë vitit të ardhshëm olimpik.


Dëshiroj t’u falënderoj fëmijëve të mi, siç i quaj vajzat gjimnaste, se ishin jashtëzakonisht të përkushtuara në trajnimet, punuan shumë dhe shënuan suksese të mëdha – theksoi ajo.

Kështu ministri i sportit Krasen Krallev përgjithësoi sukseset e sportistëve bullgarë gjatë vitit 2019. Ai u uroi të gjithë sportistëve bullgarë fitore të shumta në Olimpiadën në Tokio.


Po përfundon një vit i mirë për sportin bullgar, i cili do të mbajmë mend me sukseset në biatlonin bullgar, me rikthimin e peshëngritjes bullgare në majën botërore, me afirmimin e boksit bullgar si forcë botërore, me shkollën botërore të gjimnastikës artistike dhe të mundjes.

Përgatiti në shqip: Svetllana Dimitrova

Foto: BGNES dhe BTA

Më shumë nga rubrika

Alpinisti i ndjerë bullgar Bojan Petrovi: “Majat 8 mijëshe për mua janë si një kozmos”

“Përqendrimi dhe disiplina në alpinizëm kanë rëndësi kyçe për mua” thekson në një intervistë në vitin 2012 alpinisti i madh bullgar Bojan Petrov. Më 7 shkurt ai do të festonte ditëlindjen e 47-të, në se në vitin 2018 ai nuk kishte mbetur..

botuar më 20-02-07 2.18.MD
Junder Bejtula

Peshëngritësi i dytë bullgar fitoi medalje të argjendtë në turneun në Iran

Junder Bejtula fitoi medaljen e dytë të argjendtë për Bullgarinë në turneun në qytetin iranian Resht. Në kategori deri më 81 kilogramë Bejtula realizoi gjashtë prova të suksesshme dhe u bë i dyti pas garës së fundit me 353 kilogramë (158 kilogramë..

botuar më 20-02-03 7.38.MD
Angell Rusev

Peshëngritësi bullgar Angell Rusev me medalje të argjend nga turneu për kualifikimet olimpike në Iran

Peshëngritësi bullgar Angell Rusev u radhit në vendin e dytë në turneun për kualifikimet olimpike të ngritjes së peshave në qytetin iranian Resht. Në kategorinë 61 kilogram bullgari hodhi 110 kilogram dhe shtyri 147 kilogram gjë që i siguroi atij medaljen e..

botuar më 20-02-03 1.14.MD