Me një fluturim të El Al nga Tel Avivi në terminalin 2 të Aeroportit të Sofjes u ul pasagjeri i 7 miliontë në Bullgari gjatë vitit 2019. Kjo është Viki Almok, e cila vjen në Bullgari dy herë në vit, sepse ka të afërm këtu dhe e do shumë Bullgarinë, natyrën tonë të bukur dhe ushqimin e shijshëm. Ajo mori një tufë të madhe lulesh dhe një pllakë të posaçme. Rreth festave të fundvitit aeroporti më i madh në Bullgari shënon një vit rekord. Vetëm gjatë muajit nëntor ai ka pritur dhe ka dërguar mbi 522 000 pasagjerë, ndërsa trafiku kundrejt vitit 2018 është rritur me 7, 25%. Në Aeroportin e Sofjes operojnë 22 avio-kompani, të cilat shërbejnë 57 destinacione. Katër prej tyre janë të reja, që nga ky vit – deri në Shtutgarti,Dyzeldorf, Marse dhe East Midland.