Radioja Kombëtare Bullgare © 2020 Të gjitha të drejtat janë të rezervuara

Para dhe shëndetësi

Foto: arkiv

Sot shëndetësia e mire kushton shumë para. Dhe prandaj jo të gjithë njerëzit mund t’i ndjekin këshillat për një mënyrë jetese të shëndetshme, pavarësisht se sipas 68% prej bullgarëve gjëja më e rëndësishme është shëndeti. Këtë e tregon anketa e botuar në sajtin e gazetës “Dnevnik”.

Në Bullgari për një vit harxhohen mbi 4 mlrd. euro për shëndetësi. Këtu hyjnë financimi i sistemit shëndetësor nga ana e shtetit, paratë nga kontributet e detyrueshme të kujdesit shëndetësor, të cilat i paguan Arkës Kombëtare të Sigurimeve secili njeri që punon, paratë nga kontributet vullnetare të qytetarëve pranë fondeve private. Këtu duhet të përmendim dhe pagimet e pacientëve, të cilët ata i bëjnë në spitale dhe klinika për medikamente dhe shërbime “suplementare”, si për shembull për anestezi. Shuma bëhet akoma më mbresëlënëse, duke llogaritur rimbursimin e medikamenteve nga ana e Arkës Kombëtare të Sigurimeve Shëndetësore. Kështu për një shtet kaq të vogël si Bullgaria me më pak se 7 mln. veta paratë që sigurohen për shëndetësi janë 4 mlrd. euro – kjo do të thotë 200 mln. euro më shumë në krahasim me vitin e kaluar.

Ndërkohë faktet tregojnë se bullgarët janë evropianët më të sëmurë me jetëgjatësi më të shkurtër në kontinentin e vjetër. Mosha mesatare tek ne është 43,8 vjeç dhe kjo popullsi në plakje është më e sëmurë dhe ka nevojë për më shumë medikamente dhe kujdesi shëndetësore. Në vitin 2017 sipas Institutit Kombëtar të Statistikave  2 220 161 bullgarë kanë qenë të hospitalizuar në ndonjë prej 346 spitaleve në vend.

Në shikim të parë këto shifra duken mirë, sepse si përqindje janë afër mesatareve për Evropë – 8.3% prej Produktit të Brendshëm Bruto. Por menjëherë duhet thënë se prej këtyre 8.3% vetëm 4.5% janë shpenzimet publike. Pjesa tjetër vjen nga xhepi i pacientëve. Si rrjedhojë, financimi i spitaleve nuk është i mjaftueshëm, pagat e mjekëve dhe personelit mjekësor janë tepër të ulëta, pagimet ndaj furnizuesve vonohen. Prandaj të gjithët – pacientët, infermierët dhe mjekët, janë të pakënaqur.

Kujdesi për shëndetin e popullsisë imponon marrëdhënie të ndërlikuara dhe probleme, të cilat duhet të zgjidhen bashkërisht, nga të gjithë të prekurit. Dhe pikërisht kjo bëhet në praktikë. Institucioni përkatës shtetëror – Arka Kombëtare e Sigurimit Shëndetësor, nga njëra anë, dhe Bashkimi i Mjekëve Bullgarë, nga ana tjetër, bashkërendojnë zgjidhjet dhe kompromiset e mundshme për periudhën e marrëveshjes përkatëse kornizë. Sivjet të dyja palat arritën marrëveshje për parametrat kryesorë të politikës së shëndetësisë gjatë tre vjetëve të ardhshëm. Parashikohet të paktën 50% prej të ardhurave mujore të klinikave dhe spitaleve të përdoren për pagat e personelit. 64% prej tyre do të përdoren për pagat e mjekëve, 36% - për specialistët e kujdesit shëndetësor. Kështu raporti do të jetë 1:1.6.

Është kurestare se pavarësisht nga pakënaqësia e pacientëve bullgarë për shkak të gjendjes së sistemit tonë shëndetësor, Bullgaria është një destinacion i parapëlqyer për njerëzit nga disa vende të tjera evropiane. Për konsultim me mjek-specialist tek ne nuk duhet të presin muaj me radhë, por vetëm dhjetë ditë. Dhe situata është e tillë pavarësisht nga ikja masive e kuadrove mjekësorë, të cilët preferojnë të kërkojnë kushte më të mira për punë dhe karrierë në Evropën Perëndimore.

Dhjetëra mijë janë të huajte, të cilët vijnë në Bullgari për mjekim në spitalet bullgare. Numri i tyre nuk është i qëndrueshëm dhe ndryshon në vite. Sipas të dhënave të Ministrisë së Turizmit rreth 26 300 të huaj kanë vizituar Bullgarinë me këtë qëllim në periudhën janar-shtator 2017. Sipas anketës së organizuar nga kjo ministri 84% prej qytetarëve të huaj që kanë vizituar Bullgarinë , mendojnë se ajo është një destinacion i mirë për turizëm mjekësor. 60% deklarojnë se janë plotësisht të kënaqur me shërbimet e ofruara tek ne.

Ekspertët nga ana e tyre mendojnë se vendi ynë i ka të gjitha premisat të bëhet një destinacion i përshtatshëm për turizëm shëndetësor dhe mjekësor, sepse ofron një raport të mirë mes çmimit dhe cilësisë.

Përgatiti në shqip: Jordanka Ivanova



Më shumë nga rubrika

Më se një e treta e familjeve bullgare qëndrojnë në të ftohtë dhe ndotin ambientin rrethues

Bullgaria shtrihet në Evropën Juglindore ku supozohet se klima është më e butë, se ka më shumë ditë me diell dhe me ngrohtësi dhe se rrallë imponohet ngrohje suplementare të banesave dhe të dikastereve. E vërteta është, se vendi ynë shtrihet në..

botuar më 20-01-08 3.31.MD
Më shqetësuese është situata në Pernik, ku liqeni “Studena” që shërben për furnizimin e ujit të pijshëm është bosh.

Uji në Bullgari pakësohet dhe bëhet më i shtrenjtë

Problemet e lidhura me furnizimin e ujit në Bullgari bëhen gjithnjë e më të shumta dhe më serioze. Popullsia e vendit tonë është 7 miliona dhe 315 mijë prej shtetasve bullgarë janë prekur nga ndërprerjet e furnizimeve të ujit. Furnizime me orare ka..

botuar më 20-01-02 3.08.MD

2019-ta – viti me rritje të radhës të investimeve të drejtpërdrejta të huaja në Bullgari

Tendenca e rritjes së investimeve të drejtpërdrejta të huaja në Bullgari po vazhdon dhe gjatë vitit 2019. Sipas të dhënave të Bankës Popullore Bullgare për periudhën janar-tetor ato janë afro 953.3 milionë euro dhe tejkalojnë me 554 milionë ato nga e..

botuar më 19-12-28 10.10.PD