Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Shkollë e cila të jep krahë

Këtu orët e mësimit janë më të dëshiruara nga pushimet

Për 17 vjetët e fundit në Bullgari janë mbyllur mbi 1000 shkolla. Shkollat fillore në vendbanimet e vogla shpesh zhvillojnë një luftë të vërtetë për të shpëtuar. Në rajonet me popullsi dominuese nga pakicat, zotërimi i dobët i gjuhës bullgare nga nxënësit është një vështirësi tjtër suplementare, kurse dalja e parakohshmee fëmijëve nga sistemi i arsimit  është problem, i cili mbetet në rendin e ditës të institucioneve.

Në këtë sfond një shkollë fshati përmendet si “shkolla e cila ka kërcyer në të ardhmen”. Shkolla tetëvjeçare “Doktor Petër Beron” në fshatin Pllëstina është qendrore për bashkinë Omurtag. Në të mësojnë rreth 160 nxënës prej 13 vendbanime. 10-15% nga fëmijët janë nga familje rome, kurse të tjerët janë me prejardhje turke.

Këtu tanimë 12 vjet po aplikohen teknologjitë më të reja për arsim. Dhomat e mësimit janë të modernizuara, me dërrasa elektronike dhe laptopë për çdo një mësues. Shkolla disponon me dy sallë me kompjuterë, një palestër me pajisje sportive dhe një shesh sportiv me bar.

Kjo pajisje moderne shkollore padyshim që kërkon dhe mjete të shumta.Si arrihet e gjithë kjo?

Shkolla është pronare e tokës bujqësore – pothuaj 200 dynymë. Paratë nga qiraja hyjnë në shkollë sqaron zëvendës drejtoresha Hypsen Jusufova. Përdorim aktivisht programet evropiane dhe kombëtare për financim. Kur gjatë periudhës 2007/2008 filluan të punojnë këto programe për shkollat bullgare, ne fituam 3 projekte. Në kuadrin e modulit “Sport në shkollë” ndërtuam një shesh të shkëlqyer sportiv, në të cilin nxënësit merren me sport dhe luajnë me një dëshirë të madhe. Në sallën e mbyllur sportive ka pajisje për sport, në të cilat gjatë kohës së vet të lirë fëmijët mund të stërviten dhe të pushojnë. Moduli “novitet në jetën shkollore” na ofroi mundësi të blejmë uniforma shkollore, sepse veshjet e vjetra dhe jo të bukura i shqetësonin nxënësit nga familjet e varfra”.

Nursen Jusufova tregon se, në sajë të 2 projekteve evropiane të realizuara me vlerë të përgjithshme 240 mijë euro, drejtoria nga njëra anë ka vazhduar të përmirësojë bazën, kurse nga ana tjetër u ka siguruar mundësi nxënësve të shkojnë nëpër të gjithë Bullgarinë, të marrin pjesë në forume dhe festivale, të bashkëpunojnë me shkolla të tjera. Nxënësit e shkollës së bashku shkojnë në ekskursione, pushime në det, në kampe sportive.


A e presin me padurim pushimin nxënësit?

Lajmi për 2 javor me rastin e festave të Krishtlindjeve provokoi pakënaqësi nëpër korridoret shkollore, tregon si përgjigje zonja Jusufova.

Përpjekjet e ekipit ambicioz prej pedagogëve, të gërshetuar me metodat interaktive të mësimdhënies japin rezultate marramendëse. Kështu për shembull në vlerësimin e jashtëm kombëtar në matematikë, të zhvilluar gjatë vitit 2014, shkolla në fshatin Pllëstina arriti sukses mesatar 5,13 dhe u bë shkolla e vetme në vend me rezultat mbi 5.

Me qenë se rajoni është me një përqindje të lartë të papunësisë, një pjesë prej familjeve punojnë jashtë shtetit, kurse fëmijët rriten prej gjyshit dhe gjyshes.

“Shumë shpesh nevojitet të zëvendësojmë prindërit thotë zëvendës drejtoresha dhe shton: Nxënësit bisedojnë shumë me mësuesit. Kërkojnë ndihmë për problemet e shumta. Ajo e cila u mungon në shtëpi, ne mundohemi ta kompensojmë në shkollë”.

Me ndihmën e njerëzve që na dhurojnë sende dhe para, familjeve të cilat kanë vështirësi financiare u janë siguruar kompjuterë, kështu që fëmijët të mund të përgatiten në shtëpi, kurse në shkollë kemi një dhomë, ku mbajmë dhuratat sirroba, këpucë dhe sende të tjera të dobishme për secilin që ka nevojë për to.

Duket se drejtoria i ka arritur të gjitha gjërat. “Jo të gjitha më ndreq Nursen Jusufova dhe shton:

Do të vazhdojmë të zhvillohemi në sferën digjitale. Ideja jonë është që nxënësit të vijnë në shkollë vetëm me një USB flash drajv. Të heqim çantat e rënda të shkollës. Ky do të jetë objektivi ynë tjetër”.


Përgatiti në shqip: Nataniela Vasileva

Foto: arkiv personal


Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD