Bullgaria ka një politikë të shëndoshë fiskale, e cila vlerësohet nga agjencitë  e vlerësimit të kredisë. Këtë e tha Kryeministri bullgar Bojko Borisov në takimin e tij me udhëheqësen e Fondit Monetar Ndërkombëtar Kristalina Georgieva. Theksi kryesor në bisedimet e tyre ishte bashkëpunimi i Bullgarisë me organizatën ndërkombëtare.

Kryeministri shtoi se ekonomia bullgare vazhdon të zhvillohet në mënyrë të qëndrueshme, pa pabarazi makroekonomike, kurse shteti ynë ka përparim të qëndrueshëm sa i përket aderimit të vet në mekanizmin valutor ERM II (ashtuquajtura “dhoma e pritjes e Eurozonës”).

Ktristalina Georgieva përshëndeti qeverinë për sukseset e saj në politikën fiskale dhe komentoi se ato janë premisa dhe stimuj të mirë për realizimin e prioriteteve të qeverisë.