Shtypi në Turqi mirpret rezultatet e Takimit të Berlinit për Libinë
Në Turqi mediat caktojnë si e suksesshme Konferenca Ndërkombëtare për Libinë që u dha fund punimeve ditën e diele në Berlin. Nën titullin “Era e paqes në Libi” gazeta “Tjurkie” shkruan, se mesazhi kryesor i forumit ishte t’u thuhet “lamtumirë armëve”. Gazeta “Ortadogu” citon paralajmërimin e presidenti turk Rexhep Erdogan drejtuar Evropës, se në se qeveria e njohur në Libi do të rrëzohet, Kontinenti i Vjetër do të qëndrojë para kërcënimit të terrorizmit.
Mediat në Athinë shfaqin përmbajtje ndaj Konferencës Ndërkombëtare në Berlin
Rezultatet e Takimit të Berlinit për gjetjen e rrugëdaljes nga kriza në Libi janë objekt i komenteve të përmbajtura në shtypin grek. Gazeta “Ta nea” thekson, se pretendimi i Athinës për anulimin e memorandumit për kufizimin e hapësirave detare midis Ankarasë dhe Tripolit nuk u pranua. Gazeta “Katimerini” citon burime diplomatike greke, sipas të cilëve është një shenje pozitive, se konferenca në Berlin ripohoi kërkimin e zgjidhjes politike për Libinë dhe se të gjithë pjesëmarrësit u angazhuan me respektimin e embargos mbi armët. Pozita zyrtare e Greqisë do të lajmërohet ditën e hëne më 20 janar në Bruksel pas mbledhjes së Këshillit të Çështjeve të Jashtme të BE-së.
Qiproja akuzoi Turqinë në piratëri
Në lidhje me planet e reja të Ankarasë për sondime për naftë dhe gaz në ujërat afër Qipros, presidenca e ishullit të ndarë deklaroi, se “Turqia u kthye në një shtet piratësh në Mesdheun Lindor”. Në fund të javës së kaluar Ankaraja shpalli, se anija e sondimit “Javuz” do të kthehet në ujërat pranë Qipros për hetime të reja. Hyrja e fundit në ujërat qipriotë ishte në bllokun 8, për të cilin Nikozia u dha licencë viganëve energjetikë Total nga Franca dhe Eni nga Italia. Vjet Turqia dërgoi dy anije të sondimit për kërkimin e naftës dhe gazit, me të cilën provokoi liderët e BE-së të deklarojnë, se në se nuk do t’u japë fund akteve të paligjshme ndaj saj do të aplikohen sanksione përgjegjëse.
Një reporter i medias Deutsche Welle u plagos në një miting në Athinë
Në kohën e një mitingu ultra të djathtë kundër migrantëve dhe refugjatëve në Athinë, pjesëmarrësit rrahën dhe morën kamerën e fotoreporterit të medias Deutsche Welle Tomas Jakobi. Asociacioni i Korrespondentëve të Shtypit të Huaj dhe qeveria greke dënuan këtë akt. Organizata e Gazetarëve ngul këmbë që autoritetet të ndërmarrin masa për garantimin e sigurisë së gazetarëve, korrespondentëve dhe personave të tjerë në zbatimin e detyrave të tyre.
Mali i Zi nuk do të ndryshojë ligjin për fetë
Në një intervistë për agjencinë TANJUG presidenti malazez Millo Xhkuanoviç tha, se vendi i tij nuk ka ndërmend të ndryshojë ligjin për fetë. Ditët e fundit ky ligj u bë shkak për protesta në Serbi të cilat presidenti Xhukanoviç i caktoi si “politike të veshura në rasë të zezë”. Presidenti i bëri apel Kishës Ortodokse Serbe për dialog kështu që të diskutohen mënyrat për aplikimin e ligjit. Sipas kreut të shtetit deklaratat se ligji do të lejojë që shteti të marrë pronën e Kishës Ortodokse Serbe në Malin e Zi janë një manipulim, sepse prona e Kishës Ortodokse Serbe është pronë shtetërore e Malit të Zi e cila ishte e uzurpuar nga viti 1986 deri në vitin 2000.
Përpilues: Stoimen Pavllov
Përgatiti në shqip: Svetllana Dimitrova
Foto: BGNES dhe arkiv
Ornitologët dhe dashamirësit e shpendëve festojnë sot Ditën Kombëtare të Shqiponjës. Me këtë rast përfaqësues të Shoqatës Bullgare për Mbrojtjen e Shpendëve prezantojnë para publikut të gjerë fakte interesante për jetën e llojeve të ndryshme të..
Ndryshe nga pritshmëritë, udhëheqësit evropianë nuk arritën një konsensus mbi katër kandidatët kryesorë për postet kryesore të BE-së në takimin e tyre të hënën e kaluar. Megjithatë, ka të ngjarë që kjo të ndodhë në takimin e tyre të rregullt të enjten..
Kuzhina bullgare renditet e 14-ta nga të gjitha kuzhinat kombëtare në Evropë në renditjen prestigjioze të faqes së specializuar të kuzhinës TasteAtlas, njoftoi BNR Varna. Renditja bëhet çdo vit në bazë të vlerësimit nga përdoruesit e faqes. Bullgaria..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por..
Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në..
Shtëpia e Historisë Evropiane - Brukseli viziton Muzeun Kombëtar Etnografik me ekspozitën udhëtuese "E vërteta apo gënjeshtër? Një histori e mashtrimeve..