Zëvendëskryeministrja dhe Ministre e Punëve të Jashtme Ekaterina Zaharieva u takua në Bruksel me Vera Jourova, zëvendëskryetare e Komisionit Evropian me resorin “Vlera dhe transparencë”, me Didier Reynders, komisionar evropian i drejtësisë dhe me Olivér Várhelyi – eurokomisionar për fqinjësinë dhe zgjerimin. Në takime u shqyrtuan çështje të rendit evropian të ditës dhe të bashkëpunimit mes Bullgarisë dhe Komisionit të ri. Jourova përshëndeti vendimin e qeverisë bullgare për krijimin e një mekanizmi kombëtar të postmonitorimit në fushën e luftimit të korrupsionit dhe të kriminalitetit të organizuar, të reformës gjyqësore dhe superioritetit të ligjit. Në bisedimin e Zaharievës me komisionarin e zgjerimit Varhelyi u shqyrtua se si Bullgaria mund ta ndihmojë Komisionin Evropian në proceset e integrimit të vendeve nga Ballkani Perëndimor.