Mocioni i mosbesimit i qeverisë i parashtruar nga Partia Socialiste Bullgare për shkak të rrëzimit të politikës për mjedisin dhe ujërat që shkaktoi krizë uji në një sërë qytetesh të vendit, miratohet nga shumica e shoqërisë. Faji kryesor për krizën është i institucioneve. Këtë e tregon një sondazh i opinionit publik i “Gallup International”. 47 për qind e të anketuarve e miratojnë kërkesën e opozitës, ndërsa 27 për qind janë të mendimit të kundërt. Mirëpo, kur fjala është konkretisht për zgjedhjet e parakohshme parlamentare 35 për qind janë dakord, 40 për qind janë kundër. Përfundimi i “Gallup International” është se dominon një dëshirë abstrakte për ndryshim, por kur bëhet fjalë konkretisht për zgjedhje parlamentare, nuk ka shumicë.