Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

| rinovuar më 20-02-03 3.58.MD

Greqia miratoi aktualizimin e marrëveshjes ushtarake me ShBA-në

Foto: EPA/BGNES

Parlamenti i Greqisë miratoi marrëveshjen e aktualizuar për mbrojtje me ShBA-në me 175 vota “pro”, 80 “kundër” dhe 33 të abstenuar. Marrëveshja u lejon forcave amerikane të shfrytëzojnë objektet ushtarake greke si bazat ushtarako-ajrore në Larisa dhe në Stefanovikio për furnizim, stërvitje dhe ndërhyrje urgjente. Ushtria Amerikane do të ketë qasje me portin Aleksandrupolis, i cili është me rëndësi strategjike për anijet ushtarake të ShBA-së dhe NATO-s. Greqia shpreson që ShBA-ja do të investojnë më se 12 milion euro në bazën në Larisa dhe afro 6 milion euro në fshatin Marati, i cili është pjesë e bazës amerikane në portin Suda të ishullit Kretë. Votimi i deputetëve u shoqërua me demonstrata në qendrën e Athinës të organizuara nga e majta.


Pesë vende u aderuan me sanksionet evropiane kundër Turqi

Pesë vende jashtë BE-së u aderuan me masat kufizuese kundër sundimeve të palejuara për kërkimin e gazit natyror kryera nga Turqia në Mesdheun Lindor. Sanksionet u miratuan nga Këshilli i BE-së më 11 nëntor të vitit të kaluar. Dëshirë për të sinkronizuar politikën e tyre mbi këtë çështje me të evropiane shprehën kandidatët për anëtarësim Maqedonia e Veriut, Mali i Zi, Serbia dhe Shqipëria, si dhe Islanda, e cila është anëtare e hapësirës ekonomike evropiane. Vendimi i Këshillit të BE-së aplikon masa kufizuese kundër personave dhe organizatave, të cilat mbajnë përgjegjësi ose janë pjesë e sundimeve për kërkim dhe nxjerrje të hidrokarbureve pa leje në ujërat territoriale që janë zonë e jashtëzakonshme ekonomike dhe Shelf Kontinental i Republikës së Qipros.


Nuk ka dallime midis ShBA-së dhe BE-së në qëndrimin ndaj Kosovës

Foto: EPA/BGNES

Përfaqësuesi i lartë i BE-së për politikën e jashtme Josep Borrell tha se nuk ka konflikt me ShBA-në përsa u përket përpjekjeve të përbashkëta të të dy palëve të kthejnë Serbinë dhe Kosovën në tryezën e bisedimeve. Bisedimet me ndërmjetësinë e BE-së midis Serbisë dhe Kosovës filluan në vitin 2011, por u ndërprenë para më se një viti, kur Kosova vendosi taksa doganore 100 përqindëshe mbi mallrat serbe. Ndërkohë në janar përfaqësues të lartë amerikanë u përpoqën të nxisin të dy palët të rimëkëmbin lidhjet ajrore dhe hekurudhore të ndërprera që prej 21 vitesh. Josep Borrell i cili tani vonë bëri vizitë në Ballkanin Perëndimor tha, se Brukseli dhe Uashingtoni punojnë bashkë për arritjen e rezultateve. Ai shtoi, se rifillimi i dialogut midis Serbisë dhe Kosovës është rruga e vetme për afrimin e tyre me BE-në. Pas shpërbërjes së Jugosllavisë Kosova shpalli pavarësi në vitin 2008, të cilën Serbia nuk e njeh.


U hap një pikë e re kufitare midis Maqedonisë së Veriut dhe Kosovës

Një pikë e re kufitare Bellanoc – Stanqiq u hap midis Maqedonisë së Veriut dhe Kosovës. Në ceremoni asistuan për palën e Maqedonisë së Veriut kryeministri Oliver Spasovski dhe zëvendës kryeministri i çështjeve evropiane Bujar Osmani ndërsa për palën e Kosovës zëvendës kryeministri Enver Hoxhaj si dhe kryetarët e bashkive të të dy vendbanimeve kufitare Likova dhe Gjilan. Të dy vendet shpresojnë që pika e re të tretë kufitare do të ndihmojë shtimin e shkëmbimit tregtar midis Maqedonisë së Veriut dhe Kosovës.


39 gra në Turkish Airlines janë me gardën e kapitenit pilot

Foto: haber7.com

Sipas statistikës në sistemin e Linjave Ajrore të Turqisë nga 4 974 pilotë 211 janë gra. Prej tyre 39 janë me gardën e pilotit të parë. Më e reja ndër grave kapitene pilote është 29 vjeçja Selin Sevimli. Si pilote ajo ka një stazh 8-vjeçar, pasi specializoi në pilotim në Universitetin e Anadollit.


Albin Kurti do të jetë kryeministri i ri i Kosovës

Foto: EPA/BGNES

Katër muaj pas zgjedhjeve të parakohshme Kosova do të ketë qeveri të re pasi liderët e Lëvizjes së Vetëvendosjes Albin Kurti dhe të Lidhjes Demokratike Isa Mustafa nënshkruan marrëveshjen e koalicionit. Të dy partitë u morën vesh që në krye të qeverisë të jetë Albin Kurti dhe të ketë 15 ministri. Kabineti 15 anëtarësh do të ketë nga 6 ministri nga dy partitë më të mëdha në vend, ndërsa tri ministritë e tjera do të udhëhiqen nga përfaqësues të minoriteteve. Pritet që në postin e kryeparlamentarit të propozohet nënkryetarja e Lidhjes Demokratike të Kosovës Vjosa Osmani. Partitë e koalicionit në pushtet do të disponojnë 77 vende në parlamentin 120 anëtarësh.

Përpilues: Miglena Ivanova

Përgatiti në shqip: Svetllana Dimitrova


Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD